Danieli 2:45 - Amazwi Yakwe Leza 2013

⁴⁵ Waliwalola vino iwe lyasozoka ukufuma pa mwamba ukunuke ukwaula kuti umwi alikumye nga navino lyalilyafwanta iciluwi capangilwa ni cela, nu mukuwa, ni ivu, na siluva, nga na zaabu. Leza Mukulu akukunena we musambazi ivilacitika mu manda akwiza. Ninkunena ukulingana na vivi kwene vino waliwalota, nga nu kukulondolwela iciloto cako muno calola.”

Danieli 2:45 交叉參考

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Utandiko 41:32

Mulandu uno iciloto ciizile kunuli umu nzila ziili, umusambazi Falao, pakuti cikulange vino umwene Leza aliwe wateyanya ci, na kuti asininkizye ukuti ali nu kucicita mu kasita kakwene kakwiza.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Masamu 48:1

Yawe ali mukulu nupya afwile ukucindikwa wakwe cimwi umu musumba wakwe, uwaya apapela ya mwamba wamuzilo.

2 Samueli 7:22

Si lola vino wacindamisya, we Yawe Simwandalali! Kusi umuntu nanti wenga angaya wakwe wewe. Nupya kutaya Leza muze suka sile wewe.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Utandiko 41:28

Cili ndi vino nakunenyile we Falao mwene wakwisaci, Leza watakusoka pali vino ali nu kucita.

Umbwilo 19:17

Lyene ndola mungeli aimi pi lanzi. Wene apunda ni zwi likulu ku vyunyi vyonsi ivikapapuka papela mulwelele ati, “Izini mukolongane pamwi ku cimulo cikulu cakwe Leza.

Umbwilo 4:1

Pacisila cakwe vii nakweti cilolwa na cuze nga ndola mulyango uyulike mwiyulu. Alino izwi lyuvwika wa ntandala, liti “Iza kuno kupeela nani namakulanga vintu ivilacitika pacisila cakwe cii.”

Umbwilo 1:19

Lyene lemba vintu vino walola, ivintu vikucitika ndakai ni vilacitika.

Luka 17:20

Afaliseo yuzya Yesu yati, “Uzye insita ci lino Uwene wakwe Leza uliza?” Nawe ayaasuka ati, “Uwene wakwe Leza usyaiza nu kulolwa.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Mateo 21:24

Yesu nawe aasuka ati, “Nani kwene namamuzya iuzyo lyonga sile. Namwe ndi mwasuka namamunena uwampela maka akucita vintu vii.

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 2:24

Lyene Danieli aya kuli Alioki, wino umwene wapile ilamulo lya kukoma antu amano yonsi amu Babiloni, nga amunena ati, “Utezya ukukoma antu amano amu Babiloni. Wemo untwale sile ku mwene, nga nani namaya nkamulondolwele iciloto.”

Masamu 145:3

Yawe wene umukulu nupya uwakulumbanya wakwe cimwi, ukulu wakwe kusi angautezya.

Masamu 135:5

Namanya ukuti Yawe umukulu, ukuti Mwene witu waluta tuleza tonsi.

Masamu 96:4

Pano Yawe umukulu, nupya uwakulumbanya wakwe cimwi, Wene uwakoopa ukuluta tuleza tonsi.

Yobo 36:26

Icacumi amano itu yatange yafike penepo uku kumanya ukulu wakwe Leza, nanti ukupenda imyaka ino Leza ali nayo.

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Neemiya 4:14

Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

1 Milandu 16:25

Yawe u mukulu nupya uwakulumbanya sana, wene uwakucindika wakwe cimwi, ukuluta tuleza tonsi utwasyala.

Danieli 2:28

Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Danieli 2:29

“Walanga lino we musambazi ucikaswile, walosile ivintu iviliza inkolelo. Nga Leza wino akasokolola inkama nawe akulanga ivilacitika.

Danieli 8:25

Alalenga ukuti usomvi ucitike pamulandu wakuti wene incenjezi. Wene alaya ni cilumba nga alonona antu avule ukwaula kuyasoka. Nupya alakatukila Umwene wakwe yonsi, lelo alononwa ukwaula kuomvya amaka ya muntu.

Utandiko 41:26

Ing'ombe ziine cinimbali, imyaka cinimbali. Ni misakinta ya ngano cinimbali, ikulu nupya ice, nayo kwene imyaka cinimbali. Viloto vyako vyoili vikusenula icintu conga.

Masamu 2:9

Ulayavyengola ni ntuwa ya cela, nu kuyatamola wakwe vino yakatamola inyungu.’ ”

Hagai 2:22

Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.