44 Lelo amazwi yaluvwika ukufuma ku ufumondaka nu ku katutu nga yalamuletela ingofyo, nupya alakatuka umu cipyu ku kuyalwisya nu kulovya antu avule.
Yakateeka ikumi yonsi yakwata ilango lyonga, nupya yakapela maka ni nsambu zyao ku cilyanyi.
Lyene mungeli uwalenga mutanda apongolwela vyamu lweso lwakwe pa luzi lukulu Yufulate. Alino uluzi lupwa kuti luyule inzila yakuti yakateeka kufuma ku ufumondaka yapitemo.
Ivita vyaku Loma viliza mu vyombo nu kumulwisya, nga intete zilamulema. “Lyene alasenuka nu kuswilila ku kuzanza upefi wa antu yakwe Leza. Wene alalondela umpandamano wakwe yayo akana upefi ulya.
“Mu ukali wakwe umwene waku Eguputo alaya ku kulwisya umwene waku Silya nu kulema impuka yakwe ikulu ya vita.
Alasenda ivyuma vifiswe vyamu Eguputo vyakwe zaabu na siluva nga ni vintu vyuze vikankala. Wene alacimvya aina Libya na ina Kusyi.
Wene alasimpa na mataalu yakwe aku wene apakasi kakwe yemba nu mwamba apa kuulwa Ng'anda ikulu yakwe Leza. Lelo wene alafwa, nga kutalaya umwi kuku uwakumwazwilizya.”
