Ayebulai 9:27 - Amazwi Yakwe Leza 2013

²⁷ Muntu wensi alinzile ukufwa lyonga nga pacisila apingulwe na Leza.

Ayebulai 9:27 交叉參考

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

2 Samueli 14:14

Swensi pano sweswe ina kufwa. Twaya wa manzi yano yitika pansi, atange yazyolwe. Lelo Leza asicita utazi wa katwe, wene angalonda inzila iya kuwezezyamo umuntu ukufuma kuno utukila.

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

Kasambilizya 9:5

Endi, antu lino yacili nu umi yakamanya ukuti yalafwa. Lelo afwe yatamanya nanti acimwi. Yene yatakwata icilambu nacuze. Yene yililika pyu.

Yuda 1:15

Alaleta upinguzi pali yonsi nu kuvunuka yakaifya pa vicitwa vino yacitanga na pa mazwi aipe amiponto kunoli!”

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Loma 5:12

Iifyo lingile muno nsi pamulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.

Kasambilizya 3:20

Vyoili kwene vikaya uku ncende ili yonga, ku lukungu. Akuno vyoili vyafumile, nupya akuno vyoili vilaswilila.

Yobo 14:5

Amanda ya muntu pano nsi yapendwa mpiti. Nupya wewe umanyile impendwa ya myezi yakwe. Pano awewe kwene wamupimila insita. Uzye lyene wene angacila penepo?

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Ayebulai 6:2

Nanti mu usambilizyo wa luwatizyo nu wa kwikilapo makasa, nanti kuzyukuka kwa afwe nu upinguzi wa pe.

Masamu 89:48

Nga aweni fwandi alayelelela ukwaula ukufwa? Uzye aweni angaituula uku maka ya mfwa?

Yobo 30:23

Lyene natimanya ukuti watuntwala ku mfwa sile. Akuno tuce tukakomenkane na afwe.

Yobo 19:25

Ukuya kwene namanya ukuti kavwangila wane acikweti umi. Namanya ukuti aliwe aliza amvwangile.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Kasambilizya 3:2

Kwaya insita ya kuvyalwa ni nsita ya kufwa, kwaya insita ya kulema ni nsita ya kwipula vilemwa vivyo,

Ayebulai 10:27

Icingasyala kweneko ukulolela nu koopa upinguzi uno ukwiza nga nu moto uwipisye uno ulonona antu, yano akana Leza.

1 Yoane 4:17

Ndu kutemwa kwakwe Leza kwaya ukufumaluke munotuli lyene tulaposya pa Wanda wa upinguzi, pano vinoli avino naswe tuli mu nsi.

Luka 20:32

Pacisila umwanaci nawe kwene afwa.