Ayebulai 6:10 - Amazwi Yakwe Leza 2013

¹⁰ Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Ayebulai 6:10 交叉參考

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

Milimo 10:4

Nawe alolekesya mungeli, auvwa intete amunena ati, “Musambazi kuli cii?” Mungeli aasuka ati, “Leza watazangila mu mapepo yako nga nu wila uno ukapeela ku apina.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Mako 9:41

Cumi namunena vino wino wensi akumupeela ulwako lwa manzi pano mwemwe yakwe Klistu, Leza atalaposiwa kumulambula.”

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Yoane 13:20

Cumi namunena vino wino wensi akunzengela, ala wazengela wino uwantuma.”

Neemiya 5:19

Caleka we Leza wane, ule walukunjiusya pamulandu ni visuma vyonsi vino nacitila antu yaa.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

2 Kolinto 9:1

Citakulondekwa kuti mulembele pamulandu wa kwazwa kuno mwapanga kupeela ku antu yakwe Leza amu Yudeya.

Yelemiya 18:20

Uzye icumi, uyi ali cilambu ca pa usuma, apakuti yene avino yampangila? Iusya vino nemo nizile kunuli, ku kuyapapatilako, apakuti wemo utayafookela ukali ukali.

Neemiya 13:31

Nga mpela ilamulo lyakuti yaleta inkwi ni vizao vyankolelo apa nsita iyasontwa. We Leza wane, si ule wiusye vyonsi nu kunjela amizu.

Neemiya 13:22

Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

Masamu 20:3

Sangala apokelele uwila wako onsi uno watuzile, nu kuzangila mu mpolelwa zyako zyakoca!

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Kufuma 1:20

Caleka yanakambuza yapolelelwa pamulandu wakuti yopanga Leza. Nupya Leza alenga yanakambuza kuti yavyale ana yao, nga nu kukwata aizikulu.

Kasambilizya 11:1

Uwasunga impiya zyako ku mpanga zya inamasi mu uculuzi, pano alala papita amanda avule ulazana umuzano.

Yelemiya 31:16

Yawe wavwanga wati, “Lesya izwi lyako ukulosya na manso yako ukuponya aminsozi, ni vipa vyako vitezya vitipasye aminsozi. Vyonsi vino wacitile ana yako ulalambwilwapo. Yene yalaweluluka ukufuma ku mpanga ya anisi yao.” Ivyalanda Yawe.

Ayebulai 10:32

Iusyini vintu ivya mucitikile ku mpiti. Mu manda yaya, pacisila lino luswepo lwakwe Leza lwayengesile panomuli, mwemo mwacuziwe mu vintu vingi lelo mutacimviwe mukulwisya kwinu.

Mateo 20:7

Nao yamwasuka yati, ‘Pano kusi umwi wakutulemba incito.’ Nawe ayanena ati, ‘Namwe kwene yangini mukaomba mu calo cane ca matingi.’

Mateo 25:17

Mu musango uli onga na wakwe ciili uwaposile impiya mazimbi yaili, nawe azanilapo nazyuze mazimbi yaili.