8 Lelo nanti angala wali u Mwana wakwe Leza, wene wasambilile kuyela kupitila mu macuzi yakwe.
Wene waicefizye nu kuyela Leza kufika nu ku kufwa kwakwe ukwa pa lupanda.
Yesu nawe ayanena ati, “Cakulya cane, ukucita ukulonda kwakwe wino uwantumile, nu kumalila milimo yakwe ino wampeela kuti ncite.
Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.
Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.
Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.
Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.
Pano Leza atatazile anena umwi uwamu angeli yakwe ati, “Wewe Mwanane, pano ilelo naya So.” Leza atatazile anene mungeli umwi ati, “Ndaya Isi, nawe alaya Mwanane.”
Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.
Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.
Lelo ukuya kwene, apali ucipote witu, icalenzile ukuti yamucisole vivi. Apamulandu wa uyi witu, icalesile ukuti yamume mu musango uwa. Ukuumwa kwakwe ukwalenzile ukuti twikale mu longo. Ivyumo vyakwe ivyalenga ukuti tupole.
Pasi umwi angankoma suka naleka kuti acite cico. Nene indi ni nsambu yakuleka kuti nkomwe nga nupya ningakatuka nje umumi. Ilamulo lii nafumya kuli Tata.”
