Ayebulai 5:7 - Amazwi Yakwe Leza 2013

⁷ Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Ayebulai 5:7 交叉參考

Yoane 17:1

Lino yesu wamala kulanda, alingamila kwiyulu avwanga ati, “Tata, kasita kati kiza. Sokolola lulumbi lwa Mwana wako kuti Mwana wako nawe asokolole lulumbi lwako.

Mateo 27:46

Ukulingana na lino ilanzi lyatemba (3 koloko), Yesu alaizya ni zwi likulu ati, “Eli, Eli, lama sabakatani?” Cikusenula ukuti, “Leza wane, Leza wane, pacani wantazyela.”

Mako 15:34

Lyene lino ilanzi lyatemba (3 koloko) Yesu alaizya ni izwi likulu ati, “Eloi, Eloi, lama sabakatani?” Cikusenula ukuti, “Leza wane, Leza wane, pacani wantazyela.”

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Yoane 11:35

Yesu alila.

Mateo 27:50

Lyene Yesu alaizya ni zwi likulu, nga afwa.

Mako 15:37

Alino Yesu alaizya ni izwi likulu, nga afwa.

Masamu 22:24

Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Luka 23:46

Yesu alaizya ni izwi likulu ati, “Tata, nafumbatika mupasi wane mu makasa yako.” Lyene lino wavwanga cii, afwa.

Masamu 69:1

We Leza ala ntuule! Nati namwela, amanzi yati yafika umu nsingo.

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Ezaya 49:8

Yawe wavwanga wati, “Akasita ka kumupususya ndi kafika, nemo ndamulola luse luse nu kwasuka impooma zinu, ndi mwalila iyoyomba. Nemo ndamulinda nu kumucingilila. Mulaleka nu kuti ince ncite upangano, apakasi kao nani. Ndaleka kuti muce mwikale nupya mu mpanga yaupyanyi ino yasyala ntangali ntangali.

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

2 Yoane 1:7

Asomvi aingi yasalangana konsi mu nsi. Yene yasyazumila ukuti Yesu Klistu wizile avyalwa wa muntu. Muntu uwaya vivyo wene umusomvi nupya umwanisi wakwe Klistu.

1 Yoane 4:3

Muntu ali wensi wino asizumila Yesu Klistu ala wene atakwata Mupasi kufuma kuli Leza. Mupasi uno wakwata wene wafuma ku mwanisi wakwe Klistu. Muvwile ukuti wene uliza, nga nu kwiza wiza mpiti nupya uli muno nsi.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

Yoane 11:42

Nani manyile vino ukanguvwa pe. Lelo pamulandu wi umba lii lino liimi pano navwanga cii kuti yataile vino wewe wantuma.”

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Masamu 88:1

We Yawe, Leza wino akantuula, umusanya nu usiku nkulila kunuli.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Ayebulai 10:5

Pamulandu kwene uu, lino Klistu wali pipi nu kwiza muno nsi, wavwanzile ati, “We Leza, usyakulonda impolelwa na mawila, lelo watunteyanyizizya mwili.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.