Ayebulai 5:13 - Amazwi Yakwe Leza 2013

¹³ Muntu wino acili akumwa iziya ala wene umwana, wino angaposiwa kumanya vilungame nu kuluvyanya.

Ayebulai 5:13 交叉參考

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

2 Timoti 3:16

Mazwi yonsi amu malembelo yene yafuma kuli Leza nupya yakaomviwa mu kusambilizya cumi, kukanya kuluvyanya, kulungika kuluvyanya, nga nu kupeela utunguluzi ku antu pa kucita vyawololoke.

Ezaya 28:9

Yene yakailizyanya pali nene yati, “Uzye Ezaya yano akalola ukuti angayasunda ayaweni? Yano walola ukuti yakaika amano ku mazwi yakwe ayaweni? Amazwi yakwe yalingine sile ukunena utunya tuno twacilumuka sile ukwiyele!

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

1 Kolinto 3:1

Inane, nemo ntavwanzile kunomuli ndi vino nkavwanga ku antu ali na Mupasi Wamuzilo. Navwanzile kuno muli wa antu amu nsi ali wa ana anono mu utailo muli Klistu.

2 Kolinto 3:9

Ndi mulimo wakulenga kuti antu yavunukwe wali uwa lulumbi, nga lyene mulimo wakulenga kuti antu yaye aololoke pa manso yakwe Leza uzye utalalusya kuya uwa lulumbi?

1 Kolinto 13:11

Lino nali mwance nalandanga wa mwance, nelenganyanga wa mwance, napingulanga wa mwance. Lelo ndakai pano nakula nu kuta nata vya wance.

Masamu 119:123

Amanso yane yatiyatonta muno yakulolela ufyusi wako, ukuluzi uno walavile.

Mako 10:15

Cumi namunena nati, wino wensi atalapokelela Uwene wakwe Leza wa mwana munono, wene atalingilamo”

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Loma 2:20

mulangilizi wa viwelewele na kasambilizya wa antu atutu. Wemo wasininkizya ukuti mu Masunde mwaya ivya kupanda mano ni vya cumi vyonsi.

2 Yoane 1:11

Pano umuntu ali wensi akumulamuka ala nawe kwene wakumako ku viipe vino akacita.