Ayebulai 4:15 - Amazwi Yakwe Leza 2013

¹⁵ Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Ayebulai 4:15 交叉參考

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.

1 Petulo 2:22

Klistu atatazile aifye nupya kusi umwi uwatazile auvwa akutumpoka.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 5:2

Simapepo Mukulu wakwata utonte mu misango iingi. Acino wene akaezya ukutontela antu atutu nupya yano akaponga.

Yoane 8:46

Aweni uwa munomuli angansinila pi ifyo limwi? Ndi nkavwanga cumi, uzye lyene pacani musyantaila?

Ezaya 53:9

Yamulalike ku mbiko apali ponga na yakaifya. Wazisilwe pamwi na akama. Nanti wene atatazile acite vya ukakasi, nanti ukulapa ivyaufi mu kanwa kakwe.”

Luka 22:28

“Mwemo mwati muposya pamwi nani mu macuzi yane onsi.

Luka 4:2

kuko kuno watenzi manda makumi yani. Mu manda yalya onsi, ala akutunkwa na Ciwa. Wene atalyanga nanti cimwi. Caleka auvwa inzala.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Kufuma 23:9

“Mutacuzya mwinamasi. Mwemo mwamanya vino caya ukuya mwinamasi, pano namwe kwene mwali ainamasi mu Eguputo.

Mateo 12:20

Atalavuna itete lifwampe, atalazimya nyali ikuzimantukila kufika lino alalenga kuti wololoke wakwe Leza ucimvye.

Mateo 4:1

Lyene Mupasi Wamuzilo atungulula Yesu ku lwanga kuti akatunkwe na Ciwa.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.