Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.
Nupya Leza akweti maka akumupeela kuluta pali vino mukulonda, kuti lyonsi kwene mukwate kulingana na vino mukulonda nga nu kuluta pali vivyo pakuti mwaomba mulimo uwa kwazwa yauze.
Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.
nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.
Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.
Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.
Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”
Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.
