Ayebulai 12:22 - Amazwi Yakwe Leza 2013

²² Lelo mwemo mwiza ku Mwamba wa Zioni nu ku musumba wakwe Leza uwa umi, Yelusalemu uwa kwiyulu, muno mwaya angeli mintapendwa.

Ayebulai 12:22 交叉參考

Filipi 3:20

Lelo sweswe ikazi ya mwiyulu nupya tukulolela Katuula witu Mwene Yesu Klistu.

Galatiya 4:26

Lelo Yelusalemu wa mwiyulu umuntungwa, nupya wi kwene ali mayo witu.

Umbwilo 14:1

Nupya ndola Mwana wa mfwele aimi pa mwamba wa Zioni. Wene wali pamwi na antu mazimbi mwanda onga makumi yani na yani (144,000) yano pa mausyu yao palemvilwe izina lyakwe nga ni zina lyakwe Isi.

Masamu 48:2

Umwamba wakwe Leza uwa Zioni, waya utumpuke nupya uusuma. Ee, icacumi umwamba wa mwene Mucindami ukasansamusya antu yonsi aya pano nsi!

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

Umbwilo 22:19

Muntu umwi ndi alasisyako izwi limwi pa mazwi ya usemo amu lupapulo luu, Leza nawe alasisyako ku vizao vino ali nu kupelwa vyaku muti uno ukapeela umi, nga nu kukuma ku musumba ukulu uwamuzilo, ndi vino vyalondololwa mu lupapulo luu.

Umbwilo 3:12

Wino alacimvya ndamucita lupanda mu ng'anda ikulu yakwe Leza wane, nga nawe atalatala afumemo. Panoli ndalemba izina lyakwe Leza wane nga ni zina lya musumba wakwe Leza. Musumba uwo a Yelusalemu mupya, uno ukwika kwiyulu kufuma kuli Leza wane. Nupya panoli ndalemba izina lyane ilipya.

Ayebulai 13:14

Pano kusi musumba ukulu pano pansi uwakuti twikalililemo. Swemo tukulonda musumba ukulu uno uliza.

Ayebulai 11:10

Pano Abulaamu walolelanga musumba ukulu uno kelenganya na kakuula wakweo a Leza, nga nu mufula wakweo uwa manda pe.

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezaya 59:20

Lelo wene alizila aina Yelusalemu wakwe Katuula wao, nu kwiza pususya yonsi yano yazenzuka ku uyi wao. Kuu kuli kulanda kwakwe Yawe

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

2 Yamwene 19:4

Umwene waku Asilya watatuma umukalamba wa vita ku kwiza tukananga intusi kuli Yawe Leza waumi. Fwandi Yawe Leza wako anguvwa intusi zizya apakuti apezye antu yaya yakatukana. Wemo lenganga sile Yawe apakuti angapususya antu itu yano yasyala penepo.”

Umbwilo 21:10

Mupasi Wamuzilo antungulula, nga umungeli ansenda nu kuntwala papela ya mwamba utali cuze. Alino andanga Yelusalemu, Musumba Wamuzilo, ula ukwika kufuma kwiyulu kuli Leza. Wene wayengesanga nu lulumbi lwakwe Leza.

Umbwilo 7:2

Alino ndola mungeli namuze kufuma ku ufumondaka ala alemile nsimbi yakwe Leza wa umi. Lyene apunda ni zwi likulu ku angeli yani yano Leza wapile maka akonona insi na yemba.

Yuda 1:14

Enoki, cikolwe calenga cinimbali kufuma pali Adamu, awino apa mpiti wasowile pamulandu wao ati, “Cumi Mwene aliza pali pamwi na angeli yakwe amuzilo mazimbi na mazimbi.

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Ezaya 51:16

Anene kwene nasapalalika amayulu, nu kusimpisya imifula yansi. Anene kwene nkanena aina Izlaeli inti, ‘Mwemo mwemwe antu akwane mpo, amwemwe napiile amasunde yane, nupya amwemwe nkasunga uku maka yane sile.’ ”

Masamu 87:3

We musumba wakwe Leza, uvwa kuno uku vintu ivyakuzunguka vino Leza akukunena ati,

Masamu 84:2

Umwenzo wane wati ufwa sile uku ciluka cako! Pasi paciluka ica misolo ya kwisano lyako, we Yawe nkukwimbila nu luzango lonsi we Leza wa umi.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

Malango 5:26

Uzye kwatala kwaya umuntu umwi uwatala uvwa izwi lyakwe Leza wa umi akuvwanga ukufuma mu moto, nga pacisila atwalilila ukuya umupuma?

Ayebulai 10:31

Kufumbatwa mu makasa yakwe Leza wa umi cintu cimwi ca koofya cuze.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Loma 11:26

Vii, ali vino aina Izlaeli yalatuulwa. Ndi vino calembwa mu malembelo cati, “Katuula alafuma mu Zioni nu kusisya ukakasi onsi kufuma pa vizikulula vyakwe Yakobo.

Loma 9:26

Nu ku cifulo kuno Leza wayanenyile ati, ‘Mwemo musi antu yane,’ kuko kwene akuno yalamwa ana yakwe Leza wa umi.”

Mateo 5:35

Nanti kwezya kulumbula insi mu milapo, pano ali cilimba ca ngazo zyakwe Leza. Nanti kulumbula Yelusalemu mu milapo, pano uli musumba wa Mwene mukulu.

Ezaya 14:32

Ale lyene tulaasuka tutuli, uku nkombe zya mutundu wao uo? Tulasuka tuti, ‘Yawe Leza uwasokola Zioni, nga antu yakwe akucuziwa ali muno yalutukila.’”

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Masamu 42:2

Umwenzo wane ukulukisya we Leza, Leza wane uwa uumi. Uzye alilaci fwandi lino ndiza mpepele apa manso yako?

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Yelemiya 17:25

Alino lyene aene yao ni ntunguluzi yalingila pa mpongolo zya musumba wa Yelusalemu na maka ya kuteeka ali yamwi na yano Davidi wakweti. Aene kwene yayo pamwi ni ntunguluzi zizi, pamwi na antu aikazi amu Yuda na amu Yelusalemu yaliza ale yakwezile pa maceleta na pa mfwalasi, nga mu musumba wa Yelusalemu mulaya antu avule pee na pee.

Efeso 2:19

Caleka mwe Akulukuwa mutacili ainamasi nanti aenyi. Lelo mwemwe akaya pamwi na antu yakwe Leza onsi, nupya mwaya vilundwa vyamu n'ganda yakwe Leza.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.