Ayebulai 11:37 - Amazwi Yakwe Leza 2013

³⁷ Yamwi yatamilwe na mawe, yamwi nao mili yao yaputwilwe pakasi na mukalalu, nga yamwi nao yakomwa ku lupanga. Yene yapitananga ala yazwite vizwalo vyapanzilwe ku mpapa zya mfwele nanti zya mbuzi. Yali apina, yazunyiwe nu kucuziwa cuze.

Ayebulai 11:37 交叉參考

2 Milandu 24:21

Antu yalya yapanga kumukoma, nu mwene ayapeela ilamulo, nga nayo yamutama na mawe mu musolo wa Ng'anda ikulu yakwe Yawe mpaka afwa.

Yelemiya 26:23

Yaya yawezya Uliya ku Eguputo, yamutwala nu ku mwene Yeoyakimu, awino wizile wamukoma ku lupanga nu kusumbila icala cakwe ku malindi ya antu yonsi.

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

2 Yamwene 1:8

Nazyo zyaasuka ziti, “Muntu wiyo walazwite umwingila uwapangilwa ni mpapa ya nyama, azwite nu musipi wa mpapa.” Aaziya nawe avwanga ati, “Iye! A Eliya umwina Tisyibe!”

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

Milimo 14:19

Lelo Ayuda yamwi aizile kufuma ku Antioki wa Pisidiya nu ku Ikoniamu yatonsya maumba ku lusansa lwao, nga yatama Paulo na mawe, yamukulila nu kunzi yamusumba, yelenganya vino watafwa.

Luka 13:34

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Mateo 21:35

Alimi yalema aomvi yakwe, yuma wenga, yakoma muze, nga wakwe citatu wene yamutama na mawe.

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Mateo 3:4

Vizwalo vyakwe Yoane vyapanzilwe ku mavumbu ya ngamila, nupya wazwalanga musipi wa mpapa mu musana. Vyakulya vyakwe vyali a makanta nu uci uwamu mpanga.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

1 Yamwene 19:14

Eliya nawe aasuka ati, “We Yawe, Leza Wamaka yonsi, nemo nkakutumikila amanda yonsi nupya awewe wenga mpo wino nkatumikila. Nga lelo aina Izlaeli yonona upangano wakwe wewe nayo. Yaongolola nu tuvuwa twako, yalunda penepo nu kukoma yakasema yako yonsi sile. Anene sile nasyala nenga. Nani kwene yakulonda kuti yankome.”

1 Yamwene 19:1

Alino umwene Aabu anena Yezebele vyonsi pyu vino Eliya wacisile, kumwi navino wakomile yakasema yakwe Baali yonsi pyu ku lupanga.

1 Yamwene 18:13

Uzye watala uvwa ukuti lino Yezebele wakomanga yakasema yakwe Yawe nemo nafisile yakasema yamwi umwanda onga mu macele? Umwi cele lyonga mwali yakasema amakumi yasano, nu mulyuze namo amakumi yasano. Nupya anene nayatwalilanga ivyakulya na manzi.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

2 Samueli 12:31

Asenda kumwi na antu yano yali mu musumba ulya, aya ayapeela incito iyakulepula imbao, ni yakulepula amawe na yapiki. Ukulunda penepo ni ncito iyakuomvya impasa alino nu kutama injelwa. Avili vino wene wacisile na kuli yonsi ali mu misumba ya ina Amoni. Lyene Davidi ni vita vyakwe vyonsi iyaswilila ku Yelusalemu.

1 Yamwene 19:13

Pakuvwa vivyo, Eliya avimba icikuwalo cakwe pa manso, afuma aimilila na pa mulyango wi cele. Izwi ali pakumunena liti, “Uzye icani cino ukulonda kuno we Eliya?”

1 Yamwene 19:19

Eliya ali pakufuma penepo nu kuya zana Elisya, umwana umonsi wakwe Syafati, ala akulima na pulao. Apa nkolelo yakwe Elisya pali penepo yamasaye anyefilwe mu makoli ikumi na yaili, yayo alimanga na pulao. Wene ale akulima sile ni koli lyakwe yamasaye ilyalenga ikumi na yaili, ilyasyalikile. Eliya ali pakuzula icikuwalo cakwe azwika Elisya.

2 Yamwene 2:8

Alino Eliya atoola ikoti lyakwe, alikonza nga auma pa manzi ni koti kwene lilyo. Amanzi yalepuka pakasi, yamwi yaya kwilunji na yamwi kwimani, mpaka yakasema yayo yoili yalamba pa musili uume.

2 Yamwene 2:13

Alino asola ikoti lyakwe Eliya lino wasile waponya, nga aswilila mwenemo, aya aimilila apa cituntu ca luzi lwa Yodani.

1 Milandu 20:3

Azingila ukunzi antu aikalanga mwenemo, nu kuyapeela imilimo yakuomvya yamukalalu na yapiki ya vyela ni zyampasa. Davidi wacisile icili cimwi kwene ku misumba ya ina Amoni. Pacisila cakwe vii Davidi ni vita vyakwe vyonsi yaswilila ku Yelusalemu.

Zakaliya 13:4

Insita iyo ndi yafika kutalaya kasema nanti wenga alayuvwa pa vilolwa vyakwe, nanti kuzwala vyakuzwala vya usemo pakuti atumpoka ukuti akasema.

Ayebulai 11:25

Mose camuzipile ukucula pamwi na antu yakwe Leza kuluta kuilyokezya mu kwifya pa nsita inono.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.