Ayebulai 11:33 - Amazwi Yakwe Leza 2013

³³ Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

Ayebulai 11:33 交叉參考

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

Galatiya 3:16

Vii avino cili ku malayo yano Leza wacisile kuli Abulaamu ni cizikulula cakwe, vino malembelo yakati malayo yatapilwe ku “Vizikulula ivingi,” lelo “Ku cizikulula,” kuli kuti wenga, na wiyo a Klistu.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

Ayebulai 11:17

Utailo uwalenzile kuti Abulaamu apeele Isaki mwana wakwe kuya impolelwa. Cii cacitike lino Leza wezizye Abulaamu. Abulaamu awino Leza walavile, lelo wene waiteinye kupeela mwana wakwe wenga sile aye impolelwa.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Masamu 144:10

Awewe ukalenga ukuti yamwene yacimvye, nu kukulula umomvi wako Davidi.

Masamu 91:13

Ulalyatola yacisama na yamufi, ulalyatola yacisama akalipisye ni nondo kwene.

Yakapingula 4:1

Pacisila ca kufwa kwakwe Eudi, aina Izlaeli nupya kwene yiifya kuli Yawe.

1 Samueli 12:4

Alino nao iyamwasuka iyati, “Awe, utatala watutolela cimwi mu ucenjezi nanti ukutucuzya, nupya utatala watola amafukakanwa ku muntu ali wensi.”

2 Samueli 8:15

Davidi ateeka impanga yonsi iya Izlaeli ala akucitila antu yakwe ivya ulungami ukwaula ulufyengo.

2 Samueli 10:12

Wemo ule ukome sile nu kuposya! Leka tulwisizye antu itu na maka, tulwisizye ni misumba yakwe Leza witu. Ukulonda kwakwe Yawe kule kucitike!”

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Yakobo 2:18

Ndi cali umuntu umwi avwange ati, “Muntu wenga wakwata utailo, lino muze wakwata milimo.” Kulanda kwane kukuti, “Mundange vino umuntu angakwata utailo kwaula milimo isuma. Namamulanga utailo wane vino uli kupitila mu milimo yane.”

1 Yamwene 13:28

Lyene apita, nga aya azana icala ca muntu wilya cilambalile mu museo, ala punda na cisama navyo ivimilila mu mbali yakweco. Cisama atalile icala nanti ukuzanzambila punda foo.