Ayebulai 10:23 - Amazwi Yakwe Leza 2013

²³ Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

Ayebulai 10:23 交叉參考

1 Tesalonika 5:24

Wiyo uwamwama wene ali nu kucita cii, pano wene watailwa.

1 Kolinto 1:9

Leza uwakutailwa, nupya aliwe wamwamile kuti muye mu utandano nu Mwana wakwe Yesu Klistu, Mwene witu.

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Umbwilo 3:11

Nkwiza zuwa. Lemasya cino ukweti, kuti kutaya umwi uwa kukupoka cilambu cako.

Yakobo 1:6

Lelo lino mukulenga cimwi mwataila kwaula kutwisika. Muntu ali wensi wino akatwisika wene wakolana wi imbi lya pali yemba lino likusunkwa ni cipupu.

Ayebulai 11:11

Utailo uwalenzile kuti Sala apelwe maka akusenda indilwa nanti angala wali mukoloci. Wene welenginye vino wino uwamulavile wene uwakutailwa kukufikilizya malayo.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Masamu 26:1

We Yawe, mvwangile kweneko, pano nkacita ivisuma. Nupya nataila muli wewe we Yawe, ukwaula kusiima.

Nyimbo zya ndosya 3:23

Muno amanda yala yacela wene akalanga cipya cipya ulukundo na mizu, pano wene uwacumi insita zyonsi.

2 Kolinto 9:13

Na pa usininkizyo uno kutumikila kwinu kuu kukaleta, antu aingi yalapeela lulumbi kuli Leza pa kuyela kuno mwayela Ilandwe Lisuma lya pali Klistu, lino mwazumila, nga na pa kwankana pamwi nao vintu vinu nga na yauze.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.