Ayebulai 1:9 - Amazwi Yakwe Leza 2013

⁹ Wemo watemwa ulungami wapata lufyengo. Caleka Leza, Leza wako, watakupaka na mafuta ya kuzanga kuluta auzo.”

Ayebulai 1:9 交叉參考

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Filipi 2:9

Pamulandu kwene uu, Leza wamukwezizye cuze amupeela zina lilusile mazina yonsi.

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

1 Kolinto 1:9

Leza uwakutailwa, nupya aliwe wamwamile kuti muye mu utandano nu Mwana wakwe Yesu Klistu, Mwene witu.

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

Yoane 1:41

Lilyo kwene, alonda Simoni mwina wakwe, amuzana amunena ati, “Twati tuzana Mesiya.” (Kuli kuti “Klistu.”)

Masamu 119:128

Acino pamulandu wakuti nkalondela amasambilizyo yako yonsi, nemo napata imisango iipe yonsi.

Masamu 119:104

Inkalonka amano ukufuma uku masunde yako, ali cino fwandi napata ni misango iipe yonsi.

Masamu 89:20

Ninzana umuomvi wane Davidi, wino nasolola apa kumupongolwela amafuta yamuzilo.

Masamu 33:5

Watemwa usuma nu ulungami. Impanga yazulamo ukutemwa kwakwe ukwa pe.

Umbwilo 2:15

Mu musango uli onga munomuli mukweti antu yamwi yano yakayela usambilizyo wa ina Nikolaita.

2 Kolinto 11:31

Leza Isi wa Mwene witu Yesu, alumbanyiwe manda pe. Nupya wene amanyile ukuti nsyakutumpoka!

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Zakaliya 8:17

Mutapanga ukucuzyanya. Mutalapa ufi pano vii vyonsi navisoka. Ivyavwanga ne Yawe Wamaka yonsi.”

Masamu 89:26

Amangamanga ati, ‘Wewe uli Tata, nupya wewe uli Leza wane, Ciliwe icikantuula.’

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

Masamu 37:28

Pano Yawe watemwa ivilungame, nupya asitazyela akwakwe yayo acumi, lelo aipe yene yalalowelela. Ana ya vipondo yalononeka.

Masamu 11:5

Yawe wapima mpiti umololoke nga ni nkakasi. Wapata uwatemwa ukang'ansi.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 2:2

Yamwene yao yasakatuka, ni ntunguluzi zyao yapangila Yawe, pamwi nu musololwe wakwe.

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Yoane 10:17

“Acino Tata wantemelwa, pano naipela ukufwa kwaula kupatikiziwa, kuti ince nje umumi nupya.

Milimo 4:26

Ya mwene ya nsi yaiteinye, nga na yakateeka yakongana pali pamwi kuti yalwisye Mwene Leza nga na Klistu wino wasolola.’

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Mpendwa 7:43

Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.