Amosi 9:11 - Amazwi Yakwe Leza 2013

¹¹ Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Amosi 9:11 交叉參考

Ezaya 16:5

Alino umu kutemwa amuno icilimba ca wene cilateekwa ningo. Umu cumi paliza pikale wenga, uwamu akazi kakwe Davidi, wiyo uwasakamalisya ulungami nu kuzangila ukucita vyaololoke.

Masamu 80:12

Icani fwandi cino wawisizya icimpinda ca mitingi? Utaweni! Lyene yonsi apita nzila yakwiya iviseekwa.

Ezaya 63:11

Alino lyene yasuka yamaiusya amanda yampiti. Vino cali lino Mose umuomvi wakwe Yawe waliko. Alino lyene yatandika ukuuzyanya aeneco yati, “Uzye pilelo aukwi kwaya Yawe wino wapuswisye intunguluzi zya antu yakwe muli Yemba? Aukwi ukwaya Yawe wino wapiile Mose amanda yakwe ampomvu?

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Ezekelo 36:11

Nemo ndavuzya antu, ndavuzya ni viteekwa kwene. Mulavulilako ukuluta vino mwali mpiti, nupya mulakwata na ana avule. Ndaleka muce mwaikala ndi vino mwikalanga mpiti, nupya ndaleka mukaye ni cituku vino citatazile ciye kuno muli apa mpiti. Lyene ali lino mulamanya ukuti nene indi Yawe.

Ezekelo 17:24

Alino imiti yamu mpanga yonsi kwene ilamanya ukuti nene indi Yawe, nu kuti nene nkasinda imiti itali, nu kuleka imiti iipi aino italimpisye, nu kuti nene nenga nkaleka imiti iisi yauma nga nu kulenga ukuti imiti yume yalemba. Ee, anene ne Yawe nalanda nu kucita avino ndacita.”

Nyimbo zya ndosya 5:21

Ungala utuwezezye kunuli, we Mwene! Tuwezye! Tuwezezye ululumbi lwitu ulwa mpiti.

Yelemiya 46:26

Nemo ndayapeela mu makasa yakwe yayo akalonda kuyakoma, kuli kuti mu makasa yakwe Nebukadineza umwene waku Babiloni nu mu makasa ya aomvi yakwe. Lelo apacisila antu yalaikala nupya mu Eguputo, ndi vino cali mu manda yampiti. Ivyalanda ne Yawe.”

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Yobo 1:10

Uzye asi wewe kwene ukamucingilila pamwi ni vyuma vyakwe vyonsi? Ukapolelela icili consi cino akacita. Icalenga ni viteekwa vyakwe visanduluke mu mpanga yonsi.

Mika 7:14

We Yawe sungala wacema antu yako uku nsonzo yakuyakumbilizya, utungulule ufyo wa mfwele zyako zino waisolwela. Ndakai zitenzi zyonga mu mutengo, mu mpanga yamulemvwe yakucemelamo ivunde. Lelo zitini ziye zikalye mu mpanga yamulemvwe, yakucemelamo yaku Basyani nu ku Gileadi, ndi vino cali mu manda ampiti.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

Masamu 143:5

Nkwiusya amanda yampiti, nkwelenganya ivicitwa vyako vyonsi, nga nu kwiusya umulimo wa minwe yako.

Masamu 89:40

Watuwisya amalinga yonsi amusumba wakwe. Watuongolola ni misumba yakwe ya malinga.

Mpendwa 24:18

Alacimvya aina Edomu Nu kupoka impanga ya ina Seili. Izlaeli ali nu kutwalilila ukucimvya.

Ezaya 58:12

Mulatutulula amatongwa yampiti, nu kukuula mu mifula yampiti. Yalaamwama ukuti mwemwe yakalungisya ya viumba ivyononeke, yakakuululula ya vitotela.”

Ezaya 65:9

Ndapolelela aina Izlaeli amu mutundu wakwe Yuda. Ana yakwe ali yano yalaya aeneco ya mpanga ya myamba. Antu yane asololwe, ali muno yalaikala.

Yelemiya 18:9

Lelo ndi cakuti napingwila umutundu nanti uwene umwi nati ndaukuula nu kuusimpa,

Obadiya 1:17

“Lelo pa mwamba wa Zioni palikala yamwi alapusuka, alino nu mwamba ulaya uziliziwe. Lilyo kwene ali lino amu mupanda wakwe Yakobo yalapokelela icaupyanyi cao.

Mika 7:8

Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.

Mika 7:11

Mwe antu aku Yelusalemu, insita iliza ya kukuula amalinga inu, insita ino yanande inu yalavungululwa.

Zakaliya 6:12

Ukamunene ukuti ne Yawe Wamaka yonsi navwanga nati, ‘Umuntu wino akaamwa ukuti umusambo, wakulilila papo kwene pano ali, nga nu kukuulila Yawe Ng'anda ikulu cipya cipya.

Zakaliya 12:7

“Ne Yawe ndaleka ivita vyaku Yuda vikatale vikacimvye anisi, apali pakuti umucinzi uno ana yakwe Davidi yalakwata pamwi na ikazi amu Yelusalemu, utakacile umucinzi uno Ayuda yauze yonsi yalakwata.

Zakaliya 14:10

Mpanga yonsi ilasenuka iye inyika, ukutandikila ku Geba mpaka nu ku Limoni uwaku Negebu. Yelusalemu alatumpuka ukuluta, nanti angala alasyalila apa ncende yakwe yampiti. Mulikala antu ukufuma ku mpongolo yakwe Benjamini nu kufika ku mpongolo ya kutandikila, kuli kuti ku Mpongolo ya Pitungu, nga nu kutandikila pa Lupungu lwa Hananeli mpaka nu kufika nu mwakufenela waini ukwi sano.