Amosi 7:4 - Amazwi Yakwe Leza 2013

⁴ Vii, ali vino Yawe wandangizye umu cilolwa: Yawe Simwandalali waamile amakala ya moto kuti avunuke antu. Umoto uo wosile impanga ikulu sana iutandika nu konona ivyalo vyonsi pyu panonsi.

Amosi 7:4 交叉參考

Amosi 7:1

Vii ali vino Yawe Simwandalali wandangizye umu cilolwa: Yawe wapanzile icikundi cakwe makanta apa nsita ino umwene ala watamala mpiti ukwipa isote, lilyo ala nu mulemvwe watiumela iila lyakwe ciili.

Umbwilo 4:1

Pacisila cakwe vii nakweti cilolwa na cuze nga ndola mulyango uyulike mwiyulu. Alino izwi lyuvwika wa ntandala, liti “Iza kuno kupeela nani namakulanga vintu ivilacitika pacisila cakwe cii.”

Ayebulai 1:7

Lelo pa angeli Leza wavwanzile ati, “Leza akacita angeli yakwe ukuya wa miza, na aomvi yakwe nao yaya vimbilimbili vya moto.”

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Mika 1:4

Imyamba iyo ikusunguluka pano walyata ungati ipula mu moto, nga ni vyati visunguluka ivikonkolokela mu vifoloma, wa manzi akukonkolokela ku mikonko.

Amosi 7:7

Ivintu navyuze vino Yawe wandangizye mu cilolwa aivi: Naweni Yawe ala aimi apipi nu lung'umba nga ala alemile umwando wakupimilako ulung'umba kwene lulo.

Amosi 5:6

Mwemo muzye vino Yawe akulonda, pakuti muye nu umi. Ndi mutangacita vivyo, wene alakatukila amu mutundu wakwe Yosefu ndi vino umoto ukaoca, alino umoto uo ulakomola aina Betele yonsi pyu ukwaula nanti umwi uwakuuzimya.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Amosi 1:7

Acino nemo ndaponyezya umoto pa viumba vya musumba wa Gaza, nga nao uloca amalinga yakweo.

Amosi 1:4

Acino nemo ndaponyezya umoto pa ng'anda yakwe Hazaeli, nupya umoto uwo uloca amalinga yonsi yakwe Beni Hadadi.

Yowelo 2:30

Ndacita ivinjelengwe umwiyulu nga ni vilangililo pano pansi, kulaya uwazi, umoto, ni cifutika ca cunsi.

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Ezaya 27:4

“Nata ukuilizyanya apa calo. Ndi cali cakuti yankololwe ni myunga avino vyakwatilamo umuzano, nemo ningavilwisya suka sile imvyoce pyu.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Aina Levi 10:2

Mukupumikizya Yawe atuma umoto nu kuyoca mpaka yafwa papo kwene.

Yowelo 1:19

Nkulilila kunuli we Yawe, pano umoto wationona umulemvwe, na makala ya moto yalovya imitengo yonsi.

Amosi 2:5

Acino nemo ndaponyezya umoto mu Yuda, apakuti uce woce nu konona amalinga aku Yelusalemu.”

Ezekelo 21:3

nena impanga yakwe Izlaeli uti, ‘Yawe wavwanga wati lola nakukatukila, namasomola ulupanga lwane mu cituwo, pakukoma umulungami pamwi ni ntalanganyi.