8 Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.
Wiyo kwene wino akapanga imyamba, nu kupanga icipunga, nu kuumbula ukwelenganya kwakwe ku muntu, aliwe kwene akasenula umusanya iuya usiku, aliwe kwene akapita pa kansonsi ka panonsi. Izina lyakwe a Yawe Wamaka yonsi!
Aliwe kwene wenga mpo uwapanzile intanda, zizi izikaloleka zitantime, izikaamwa Bea ni zikaamwa Olioni, ni zikaamwa Pileyadi nga ni zya kwikasa lyakwe ndilo uwa ufumondaka.
Yawe aliwe waikuulila isano umwakwikala ukwiyulu, nupya wapanga ulwelele ungati umufula wa mpanga ya pano pansi. Wene akaama amanzi amuli yemba nu kuyapongolwela pa mpanga ya pano pansi. Wiyo kwene izina lyakwe a Yawe.
Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.
Imfinzi awewe ukaileta nga kuya usiku, ni nyama zya mpanga nazyo izitandika ukukatuka.
Watumile imfinzi, mwafita na fititi, nga lelo yene yatalamila izwi lyakwe.
Aliwe akasokolola apaswe ivicitwa vyamu mfinzi, nu kuleka umufitisye fii muswepe swee.
nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”
Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”
Tukapulupunta sile wa mpafu. Ilanzi umutwe pakasi ala swemo tukupulupunta sile kwati watiwila, ungati tuli mu mpanga ya afwe umwafita fititi.
Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.
“Uzye wemo unganzinkila amakumbi, nu kuyanena ukuti yakufumfumwile imvula?
Cino Leza waletela amakumbi ni mvula pano nsi, limwi apakuti avunuke antu pano nsi, nanti limwi apakuti ayapeele ivintu ivisuma.
Fwandi lyene ndayamanyisya calimwi amaka nu ulamba wane. Yene yalamanya ukuti nene indi Yawe.
“Yawe wino waumvile insi nu kuimumunga, nu kuiteka pano ikala, wamunena wati wiyo wino akaamwa izina lyakuti Yawe, wavwanga wati,
