Amosi 5:4 - Amazwi Yakwe Leza 2013

⁴ Yawe akunena ang'anda yakwe Izlaeli ati, “Izini kunondi, nga mumaya nu umi.

Amosi 5:4 交叉參考

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

Zefaniya 2:3

Zenzukini nu kwiza kuli Yawe, mwensi mwe ikazi ya mpanga, yano yakayela amalamulo yakwe. Citini ivyaololoke nu kuicefya pa manso yakwe Yawe. Limwi muluutuka ukuvunukwa apa wanda uno Yawe alasokolola ukali wakwe.

Masamu 14:2

Umwi yulu Yawe akalolekesya ana ya antu, apa kulola ndi cakuti pali wenga uwamano, wiyo akasakamala Leza.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Mateo 7:8

Pano wensi akalenga akapelwa, na wino akalonda akazana, nga na wino akakonkonsya akayulilwa.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Milandu 20:3

Lilyo kwene Yeosafati auvwa intete nga aelenganya ukulenga amano kuli Yawe nu kupeela ilamulo ku antu yonsi umu mpanga yakwe Yuda kuti yatale yafunge ukulya.

Amosi 5:6

Mwemo muzye vino Yawe akulonda, pakuti muye nu umi. Ndi mutangacita vivyo, wene alakatukila amu mutundu wakwe Yosefu ndi vino umoto ukaoca, alino umoto uo ulakomola aina Betele yonsi pyu ukwaula nanti umwi uwakuuzimya.

Masamu 69:32

Mutaweni fwandi, mwe alanda sansamukangini. Namwe mwemuno mukalonda Leza, namwe komini sile penepo.

Masamu 27:8

Watulaizya kunondi uti, “Ndanga kunondi.” Ee we Yawe, fwandi ali cino niza.

Masamu 22:26

Apina yalalya pano yatemilwe aeneco, na yano yakalonda Yawe nayo yalamulumbanya. Si angala yaye nu longo amanda pe!

2 Milandu 34:3

Umu mwaka wakwe cinani uwa kuteeka kwakwe Yosiya, ale acili sile akalumendo ka myaka ikumi na mutanda, wene watandike ukupepa nu kucindika sana Yawe Leza wakwe Davidi icikolwe cakwe. Ipapita sile imyaka ini, atandika ukutamola incende zizi muno yapepelanga tuleza utuluwi kumwi nu unkolanya wakwe ka leza kanaci ka Asyela. Atamola nu tuluwi tuze tonsi utwasyala.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Malango 32:46

alino wavwanzile ati, “Sininkizini ukuti mwayela amalamulo yaa yonsi yano namupeela ilelo. Mwasambilizya kweneko na ana inu, pakuti nayo yayela ningo amasambilizyo yonsi yakwe Leza.

Malango 32:47

Amasambilizyo yaa yasi amazwi asilesile, lelo yene ali umi winu kwene. Mwayayela, pakuti lyene muce mwikale amanda avule mu mpanga ilya mu mbalama yakwe Yodani ino mwasya mupoke nu kwikala mwenemo.”

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Ezekelo 18:9

Akalondela amasunde yane nu kuwaka vipope vyane, pakuti apite nu ufumacumi. Ala wiyo ali mulungami wampomvu, vii ivyalanda ne Yawe.

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

2 Milandu 20:4

Antu yonsi pyu aku misumba yaku Yuda iyakongana kuti yalenge uwazwilizyo kuli Yawe, yonsi afumile ku misumba yonsi yamu Yuda yiza ku kulenga uwazwilizyo kuli Yawe.

Masamu 69:33

Pano umwene, akauvwa alanda nupya asiilila nu ku antu yakwe, yayo aisumba umu milimo yakwe.

Yelemiya 38:20

Yelemiya wamwasuka wati, “Utalapeelwa mu makasa yao foo. Wemo ule uvwe sile izwi lyakwe Yawe ndi muno namakunenela, apakuti cikuzipile, upususye umi wako.

Oseya 10:12

Muitandile uololoke, nga mulazombola upolelelo uwa kutemwa kwane ukwa muntaputuka. Umini mazela mwi sala linu pano insita yakulondalonda Yawe yatifika. Mwalukulonda Yawe mpaka ace awele ku kwiza mupongolwela upolelelo.