Amosi 5:12 - Amazwi Yakwe Leza 2013

¹² Nene manyile uwingi wa viipe vinu nga nu ukulu wa maifyo inu. Mukazunya antu akacita vyaololoke nu kupoka amafukakanwa nu kunyongelekezya imilandu ya apina mu matengo ya milandu.

Amosi 5:12 交叉參考

Amosi 5:10

Mwemo mukapatana na apinguzi asi na kasoozi, mukasokela yayo akavwanga icumi umu matengo.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

1 Samueli 8:3

Lelo yene yatatozile imiyele yakwe isi. Yene yalondelile sile ukupanga ulupiya. Avili vino yapokelelanga amafukakanwa nu kuipingula ukwaula ukulondela icisinka.

Yakobo 5:6

Mwemo mwapingula nu kukoma antu akaele, yano atezizye kulwisya mwemwe.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Amosi 2:16

Pa wanda kwene uo ni vita kwene viposye vilasumba ivyanzo nu kuutuka tupu.” Avino Yawe wavwanga.

Nyimbo zya ndosya 3:34

Wene asisansamukila nanti panono umu kwilikizya umuntu mu ng'anda ya minyololo. Leza Wapapelapela asilonda vivyo.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Ezaya 66:18

Apa mulandu wa vicitwa vyao vino manyile, nasya nize nkolonganike antu amitundu yonsi kwene. Alino lyene iliza iilolele yonga ucindami wane.

Ezaya 47:9

Amasyamo yaa yoili kwene uliukila sile kuno yakuponela, nupya apa wanda uli onga kwene. Nanti wemo ungapanda amalele uli, nu kukwatisya ivizimba, awe cumi ulafwilwa ana, nu kusyala mukamfwilwa.

Ezaya 33:15

Ala mungapusuka ndi mwatandika ukucita ivyaololoke nu kulanda ivyacumi. Fwandi mutaya nu lwiswa umu kulonka ivyuma ku alanda, nupya mutapokelela amafukakanwa. Mutaezya ukuvwana na yacikoma, nanti yayo akacita iviipe.

Ezaya 29:21

Leza alalovya yayo yonsi yano yakasombezya auze imilandu, alalovya na yayo yonsi yano yakakana kuti yapezye yampulamasunde, na yano yakapeela umboni waufi, apakufyengelekezya antu akaele umu milandu yao ilungamane.

Ezaya 10:2

Yene yakakana ukupingula alanda umu kulungika, nupya yakapokolola insambu zya antu yane apina, nu kusampa ivyuma kuli yamukamfwilwa, nu kupokolola ivyuma ku ana asyale.

Ezaya 5:23

Kalanda kunomuli mwemuno mukapoka amafukakanwa uku antu amilandu. Umulungami, asi nu mulandu wene imumufyenga.

Mapinda 22:22

Utafyenga umupina pamulandu wakuti umupina. Nupya utafyengelekezya antu umu cilye.

Yobo 31:21

“Nemo panondi, ndi cakuti limwi natazile inkatusya ikasa lyane, nu kupingila uwakaele apamulandu wakuti namasuka imucimvye mu kulondolola kwene ukwa ucenjezi,

Luti 4:1

Boazi atala aya ku mpongolo ya musumba pano antu yakomenkanilanga nga aikala kuku. Umuntu wakwe wenga uwakweti insambu ya kupyana aiza wiyo kwene wino Boazi walanzile penepo. Alino Boazi amunena ati, “We cuza, tala iza kuno nduwikale paa.”

Malango 31:21

Alino lyene amazanzo avule aipisye pamwi na macuzi vilayaponela. Lelo ulwimbo luu luliimbwa nu kuya umboni uwakuyasinila, pamulandu wakuti amu mupanda wao yatalalwilila. Ali vino navikwene natimanya vino yakwelenganya nanti ntacili njingizye mu mpanga ino nalavile nu mulapo ukuyapeela.”

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

Masamu 127:5

Walongo awiyo uwazuzya inceto zya mwata uo umu nyambi yakwe. Atalatala acimviwe lino alakomenkanya anisi yakwe umu cifulo ca upinguzi.

Mapinda 17:8

Akapeela amafukakanwa yakamuombela wi we lya mutengo, konsi kuno waya, umusyuke.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

Oseya 5:3

“Antu yakwe Efulemu nayamanya, aina Izlaeli yatafisama kunondi. Antu yakwe Efulemu yasi acumi kunondi, aina Izlaeli aipe imisango.”

Amosi 2:3

Indakoma kateeka wao kumwi ni vilolo vyakwe, kumwi nu mwisikulu kwene.”

Amosi 5:7

Kalanda kunomuli mwemuno mukanyonganika ulungami, mwemuno mukakonya vyaololoke.

Amosi 8:4

Uvwini vii, mwemuno mukalyatola yayo aulilwa, mwemuno mukalonda ukonona apina amu mpanga kwene ii.

Kufuma 23:3

Pakupingula umuntu mupina utaya na kasoozi.

Kufuma 23:6

“Ndi wenga uwamu antu yako mupina watala mulandu, mumupingwile mulandu kwaula kasoozi.

Yobo 20:19

Pasi pano lino wali pano nsi wikalile ukucuzya alanda, nu kuyasuula. Walunzilepo nu kupoka ku lukang'ansi, amang'anda yano wene atakuuzile.