Amosi 4:10 - Amazwi Yakwe Leza 2013

¹⁰ “Namuponyezizye impungo ya ndwala wakwe ilya ino naponyezizye aina Eguputo. Nakomisizye alumendo inu umu nkondo, natungulwile ni mfwalasi zinu uku anisi inu. Namununsyanga ni fungo lya vyala ilyafumanga mu nkambi ya asilika. Lelo mutawezile kunondi. Avino Yawe wavwanga.

Amosi 4:10 交叉參考

Malango 28:60

Nupya kwene wene alamuletela indwala zyonsi izyakoofya zino mwailolile mu mpanga ya Eguputo, nga namwe mutalatala mupole.

Yowelo 2:20

Ndafumya anisi aku katutu kuti yaye ukutali namwe, nupya ndayazingila uku lwanga. Ankolelo yene ndayazingila kuli yemba uwaku uwondaka. Acisila nayo ndayazingila kuli yemba uwaku ufumondaka. Lyene ivyala vyao vilaola nu kutandika ukununka.” Icumi kwene Yawe alacita ivikulu.

2 Yamwene 13:7

Apa nsita iyo Yeowazi atakweti ivita ivingi. Walanga pasyala sile ivita ukufika nu kumpendwa ya makumi yasano, yao aomvyanga imfwalasi, alino amaceleta ikumi lyonga nga alino ni vita vyapansi navyo amazimbi ikumi. Icalenzile vivyo vyonsi umulandu wakuti umwene waku Asilya walanga wakoma ivita nyanya nu kulavilyatola ungati akulyatola ulukungu.

Aina Levi 26:25

Ndalenga inkondo ukuya panomuli pa kumuvunuka pamulandu wa kutama upangano witu. Nupya ndi mwakongana mu misumba inu ku kuzina, indi nu kulenga indwala izisipoziwa kupona munomuli. Lyene muli nu kupatikiziwa ukucimba ku anisi inu.

Malango 7:15

Yawe alamucingilila ku ndwala zyonsi. Wene atalamuletela indwala izyakoofya izili zyonsi wakwe zino mwailolile mu Eguputo, lelo wene alazileta pa anisi inu yonsi.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Amosi 4:6

Anene nemuno namuponyezizye ivipowe mu misumba inu yonsi. Anene naponyizye inzala konsi kuno mwikalanga. Lelo lyonsi kwene mutatontile nu kuwela kunondi. Avino Yawe wavwanga.

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Yelemiya 11:22

Caleka Yawe wavwanga ati, “Nemo ndayavunuka! Alumendo yao yalakomwa ku nkondo. Na ana yao yalafwa ku nzala.

2 Yamwene 13:3

Yawe nawe ali pakusokela aina Izlaeli icakuti aleka nu kuti Hazaeli umwene waku Asilya, pamwi na Beni Hadadi umwanakwe lyonsi yacimvya aina Izlaeli.

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Kufuma 8:19

Alino amamanyamano yanena Falao yati, “Leza uwatacita cii!” Lelo Falao akoma umwenzo wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Yelemiya 48:15

Ala nkumunena ukuti umononyi wakwe Moabu ni misumba yayamo wataiza ku kulwisya. Alumendo yaya kwene asopoloke aku Moabu yatiyatelemukila uku kukomwa.” Ivyalanda ne Yawe, Leza Wamaka yonsi.

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 15:3

“Mu cumi anene ne Yawe nayapingwilile imikosi ii ini, kuti iyaponele. Yalayakoma na yasimbwa yalatakanya ivyala vyao. Ivyunyi navyo vilayakompola ni nyama zya mpanga zilalya ivilasyalako.

Yelemiya 9:22

Ivyala vya antu vimaya sile monsi ntangali ntangali, wa mitumba yakwe citindi mu vyalo, wa ngano zino yakasinza yatiyasinza nu kuzisya insansalila. Vii avino Yawe watanena ukulanda.”

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

2 Yamwene 10:32

Mu manda kwene yaya Yawe atandika kucefya ukulu wa mpanga ya Izlaeli. Umwene Hazaeli waku Asilya wacimvizye aina Izlaeli mu mpanga yao yonsi.

2 Yamwene 8:12

Hazaeli nawe asuka auzya ati, “Uzye pacani fwandi cino watandika ukulila vivyo?” Elisya nawe aasuka ati, “Apamulandu wakuti ni ndola ivintu ukwipa vino ulacita ku ina Izlaeli. Wemo uloca amalinga yao, ulakomola alumendo yamaka yonsi, ulapolola utwana twao ni mpungo mpaka tufwe, alino nu kupanza ya mama yonsi anyomelile.”

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 10:27

Lelo Yawe alenga Falao ukukoma umwenzo cakuti nupya kwene akanya aina Izlaeli kuti yapite.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 9:17

Nomba wemo ucili nu munyambo pa antu yane pakukana yata kuti yapite.

Kufuma 9:12

Lelo Yawe alenga Falao kuti akome umwenzo, wakwe vino Yawe wavwanzile ukuti, Falao ataluvwa ku mazwi yakwe Mose na Aloni.

Malango 28:21

Wene alatwalilila ukumuponyezya impungo zipusanepusane mpaka sile akamulovye mu mpanga ino mwasya mupoke nu kwikala mwenemo.

Ezaya 9:17

Ali cino Yawe atalaleka nanti wenga apa alumendo yayo kuti apusuke. Wene atalatezela nanti ana asyale, yano yalasya kumwi na yamukamfwilwa. Pano umutundu onsi ukapontela Leza nu kwifya. Ukavwanga ni vya uwelewele. Ali cino fwandi muli vyonsi vivyo Yawe atalezya ukuta ukusoka nanti ukuzunzula ikasa lyakwe.

Ezaya 34:3

Ivyala vyao vilalala insansalila ukwaula kuzikwa. Vilaolela pambiliwili nu kununka wakwe cimwi. Imyamba ilayenza cee uku wazi wao.

Ezaya 50:11

Lelo mwemo mwensi, mwemuno mwakozya umoto, nu kusonkelezya ivisonsololwa, lyene ingilini mu cimbilimbili ca moto winu, uwa visonsololwa vino mupembelile. Vii ali vino ikasa lyane lilamucitila. Mulalambalala mu ucuzi utaikulila.

Yelemiya 49:26

Alumendo yakwe yalaponela mu miseo yakwe mu wanda ulya. Alino asambazi ya mwenemo nayo yalalowa yonsi pyu. Ivyalanda ne Yawe Wamaka yonsi.

Ezaya 9:12

Aina Alamu yayelile lwaku ufumondaka. Aina Filisti nayo yayelile lwaku uwondaka, ala yatiyacenzela calimwi apa kuciola aina Izlaeli. Icipyu cakwe Yawe cicili, pano acili azunzwile ikasa lyakwe apakuyazangola.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Oseya 11:5

“Acino antu yayo yalaswilila umu uzya ku Eguputo. Aina Asilya yalayateeka, pamulandu wakuti yene yakana ukuwela kunondi.

Hagai 2:17

Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.