Amosi 4:1 - Amazwi Yakwe Leza 2013

¹ Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Amosi 4:1 交叉參考

Masamu 22:12

Anisi nyanya, yatiyandizizya wakwe yacipambasi ya ng'ombe. Yali kwati a yacipambasi ati yafulika aku Basyani.

Amosi 6:1

Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Ezekelo 39:18

Mukalye umunyefu wa asambazi, mukamwe nu wazi wa ntunguluzi zya pano nsi, yonsi yasuuku, utwana twa mfwele, yasawe na yacipambasi ya ng'ombe zyaku Basyani.

Kasambilizya 4:1

Lyene ndolekesya pa lufyengo lonsi ulukacitika mu nsi ii. Antu yano yatitikiziwa yakulosya nga kusi nanti aumwi uwakuti angayazwa. Kusi nanti aumwi uwakuti ayazwe pano antu yano yakuyatitikizya yakwatisya maka.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Yowelo 3:3

Yene yapendozile apa kwankana antu yane nga yakauzyanya alumendo na yacizelele. Yene yakazizye ana nu kukauzyanaya ana anaci na waini apakuti yamwe waini wiyo.

Ezekelo 22:29

Akama nayo yakacenjezya auze nu kuiyila vintu. Yakacuzya alanda, yakafyenga na aenyi.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Yelemiya 51:34

Nebukadineza umwene waku Babiloni waputozile Yelusalemu nu kumulya. Wene wamalizile umusumba kwati awiya wino akukombesya umu ntendo. Wataumila kwati a musato, nu kuzuzya indilwa yakwe. Watasumba ivyasyala

Yelemiya 50:27

Komolini alumendo ya nkondo yano yakwata yonsi. Muyafyemfyente! Iye mwe, amanda yayazana! Amanda yafika akuvunuka aina Babiloni!

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Yelemiya 6:6

Vii ivyalanda Yawe Wamaka yonsi ati, “Temini imiti yakwe, mutuntumalike nu musili uku malinga yakwe Yelusalemu. Umusumba uu ulinzile kuvunukwa, pano mwazulamo sile ufi na kanyati katuputupu.

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Ezaya 5:8

Kalanda kuli mwemwe mwemuno mukalunda kukuula amang'anda pa mang'anda yano mwakwata. Apa vyalo vino mwakwata mwemo mukalundilapo navyuze, icakuti lyene auzo iyasuka yuulilwa napakwikala. Lyene mwemwe mwenga sile mwasuka mwikala mu mpanga.

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Masamu 140:12

Namanya ukuti Umwene alapeela akafyengwa insambu, nu lungi uku alanda.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Yobo 20:19

Pasi pano lino wali pano nsi wikalile ukucuzya alanda, nu kuyasuula. Walunzilepo nu kupoka ku lukang'ansi, amang'anda yano wene atakuuzile.

1 Yamwene 16:24

Wene wakazile umulundu wa Samaliya kuli Syemeli pa mpiya zyakwe siluva ukulingana amakilogalamu 6,000. Alino akuula umusumba pa mulundu ulya nga autemela ni zina ati a Samaliya, apakwiusizya kweneko Syemeli uwali umweneco wa mulundu uwa uno wakazile.

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Yelemiya 50:11

“Sansamukini, zangini mwemuno mwapokolwilwe caupyanyi cane! Cenini wa kana ka ng'ombe mu nyika ya mulemvwe, mulile wa mfwalasi zyaconsi.

Malango 24:14

“Utaezya ukutumpoka umuomvi wino walemba incito, umupina nupya wino uulilwa, cisi cimwi angaya umwina Izlaeli nanti sile umwenyi kwene wino wiza wikala mu musumba onga pa misumba inu.

Ezekelo 18:12

akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Amosi 6:6

Mukamwela waini mu mbakuli izizule, nupya mukapakala amafuta amununko usuma, lelo musiuvwa ulanda pa ononesi wa mpanga yakwe Yosefu.

Mpendwa 21:33

Lyene aina Izlaeli iyasenuka nu kulondela museo ulunga nu ku Basyani, nga umwene Ogi uwaku Basyani afuma ni vita vyakwe vyonsi ku kuyazanza ku Edilei.

Yobo 24:4

Umu nzila namo yakatazyela apina, nu kupoka insambu zya alanda. Iyasuka yapatikizya natakweti nanti kamwi kuti yafisamoka.

Mapinda 22:7

Umukama akateeka alanda. Kakongola nawe akaya umuzya wakwe wiyo uwamukongwesya.

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Ezaya 56:12

Intunguluzi zimwi zikolesi izikavwanga zikuti, ‘Katwalya sile nu kumwa waini umukalipisye apakuti tukolekesye! Mutondo lyene tulacizyapo.’ ”

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Amosi 3:1

Mwe uvwini amazwi yano Yawe wavwanzile, amazwi akumukalipila mwe ina Izlaeli. Kuli kuti uluko lonsi luno wafumizye mu mpanga ya Eguputo. Wene wavwanzile ati,

Amosi 3:3

Uzye antu yaili yangapitila pali pamwi ukwaula kuzumilizyanya?