Amosi 3:9 - Amazwi Yakwe Leza 2013

⁹ “Upundilile ku antu akaikala umu malinga aku Asyidodi, nu ku antu akaikala mu malinga aku Eguputo. Uyanene kuti yakongane ku myamba iyazinguluka Samaliya, alino mulole icimvulunganya icili kweneko, ni vyaukakasi nu lufyengo ivikucitikila aikazi ya mwenemo.

Amosi 3:9 交叉參考

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Amosi 6:1

Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Amosi 1:8

Ndalovya umwene wino akateeka umusumba wa Asyidodi, kumwi na wiyo alemile intuwa ya wene waku Asyikeloni. Indasyunola umusumba wa Ekiloni ni kasa lyane mpo, na ina Filisti yonsi asyala ndayakomola kumwi.” Avino Yawe Simwandalali wavwanga.

Amosi 8:6

kuti tukale apina na siluva, na yayo aulilwa tuyakaule ni ndyatu, alino tukazye ingano zipese?”

Yelemiya 50:2

“Umini imbila mu mitundu, mwimike ni mendela. Pundini mutafisa umulandu, muvwange muti, ‘Yatiyapoka Babiloni, Beli watalemwa ni nsonyi, Maliduki watatamoka. Utuluwi twakwe twatituzewana. Ivyawinyi vyakwe vyati viongoloka.’

Yelemiya 31:5

Ulalema nupya amatingi, pa myamba yaku Samaliya. Alimi nayo yalalema nu kulya iviseekwa vyakweyo.

1 Samueli 5:1

Pacisila lino aina Filisti yapoka Mbokosi ya Upangano yakwe Leza, iyaifumya ku Ebenezeli nga iyaitwala ku Asyidodi,

Ezekelo 37:22

Ndayuminkanya pamwi apakuti yakaye umutundu sile onga umu mpanga, umu myamba yamu Izlaeli. Yalakwata umwene sile wenga awino alayateeka, kutalaya nupya imitundu iili nu wene wao utalapatukana paili foo.

Ezekelo 36:8

Mu myamba yamu Izlaeli mwene mulamela imiti nupya nu kuseekamo iviseekwa ivyakuti muce mwalya mwe ina Izlaeli, mwe antu yane pano mwasya muswilile zuwazuwa ku mwinu.

Yelemiya 46:14

“Umini imbila ku Eguputo, nu ku Migido, mulaizye ku Memfisi nu ku Tapenesi. Muyanene yaiteyanye, pano ulupanga lumakomola monsi monsi luzinguluke.

2 Samueli 1:20

Cisi cakwezya ukucilanda mu musumba wakwe Gati nanti ukwalazya ilyasi mu museo wa Asyikeloni, pano limwi yamangu amu Filisti yangazanga, nga na ana anaci yakwe yao atasilamulwa yangasansamuka.

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Mapinda 1:13

Ee, mpaka tulonke ivyuma vya misango yonsi, na mang'anda itu tuzuzyemo ivisampwe!

Mapinda 11:16

Umwanaci wa miyele isuma akacindama, lelo aonsi ivipondo yakakwilila umu upupu.

Kasambilizya 4:1

Lyene ndolekesya pa lufyengo lonsi ulukacitika mu nsi ii. Antu yano yatitikiziwa yakulosya nga kusi nanti aumwi uwakuti angayazwa. Kusi nanti aumwi uwakuti ayazwe pano antu yano yakuyatitikizya yakwatisya maka.

Oseya 7:1

Lilyo lyonsi lino nkulonda kuwezya antu yane apasuma, lino nkasi kupeela aina Izlaeli ulongo, amaifyo yao yakaloleka apaswe. Imilimo iipe ya antu aku Samaliya ikasokololwa. Yene yakacita vyaucenjezi, yakatama amang'anda ya antu nu kwiya, yakazanza nu kuyiila antu umu miseo.

Amosi 6:3

Mwemo musizumila ukuti uwanda uwa kuvunukwa ukwiza, lelo ivicitwa vinu iviipe vikucincizya ukwiza kwa wanda ulya.

Mika 6:10

Uzye nemo ningilila uli icuma icili mu mang'anda ya antu aipe, cino yalonka mu ucenjezi, nga nu kuomvya vipimilo vyaufi vino nemo napata?