Amosi 3:6 - Amazwi Yakwe Leza 2013

⁶ Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Amosi 3:6 交叉參考

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

Zefaniya 1:16

Uwanda kwene ulya ulaya uwakulizyamo intandala, nupya uwa kawele ka nkondo, kako akalacitwa ni vita ivilalwisya imisumba ya malinga ni mpungu izitali.

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

Utandiko 50:20

Mumine akapi ukucita uyi kunondi, lelo Leza ausenula ukuya usuma, pakuti atuule umi wa antu avule yano ali nu umi pa wanda wilelo.

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Yelemiya 4:5

“Laizini umu mpanga yakwe Yuda nu kuuma imbila mu Yelusalemu muti, ‘Lizini intandala mu mpanga yonsi ya Yuda nu mu Yelusalemu!’ Pundini na maka muti, ‘Konganikini antu pamwi! Lekini tutukile ku misumba ya malinga!’

Milimo 4:28

Yakongine kuti yacite vino wewe wemwisikulu wateyinye mpiti ku maka na mano yako, kuti vicitike.

Ezekelo 33:3

Nawe ndi walola kuno anisi yakupalama, alalizya intandala apakuceula antu yonsi.

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Oseya 5:8

Lizini intandala mu Gibeya, lizini ipenga mu Lama! Sanzulini kupunda kwa ulwi mu Beti Aveni! Mwe aku Benjamini si tungululini!

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Amosi 3:5

Uzye icunyi cingatamwa umwi liya ndi cakuti musi lyambi? Nanti uzye ulukose lungavwampuka ndi kamwi katatensizyeko?

Zakaliya 8:10

Lino insita iyo itacili yafika, kutalolekanga umuntu nanti wenga uwakulembwa uku ncito iyo pakuti sile alipilwa penepo, nanti sile ukwazima iciteekwa conga pakuti caombapo nu kulipila umweneco wa citeekwa, foo. Na antu yakuposiwa kuomba imilimo yao pamulandu wakoopa anisi yao, pasi pano anene nasongelekanyanga antu yonsi.

2 Yamwene 6:33

Lino Elisya acili akulanda nayo, inkombe itentemuka yiza kunoli. Alino umwene avwanga ati, “Yawe uwatatuponyezya intazi zii. Uzye pacani cino ningatwalilila ukulolela Yawe kuti acite cimwi?”