4 Uzye cisama angaluluma mu mutengo ndi cakuti atazanyile cakuti aleme? Uzye mwana cisama angaluluma mu cimpinda ndi cakuti pasi cino alemile?
“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.
Utwana twakwe yacisama nato nga tutandika ukulila ala tukulonda icakulya cino Leza akatupeela.
Amosi wavwanzile ati, “Yawe akung'anza ku Zioni, amazwi yakwe yakuuvwika ungati ukupangalansya umu Yelusalemu. Uli mulandu uno amanyika yakwe yakacema yatiyuma, na kansonsi ka mwamba wa Kalimeli kakuuma.”
Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?
Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.
Uzye antu yaili yangapitila pali pamwi ukwaula kuzumilizyanya?
Uzye icunyi cingatamwa umwi liya ndi cakuti musi lyambi? Nanti uzye ulukose lungavwampuka ndi kamwi katatensizyeko?
