Amosi 3:2 - Amazwi Yakwe Leza 2013

² “Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Amosi 3:2 交叉參考

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?

Malango 10:15

Nga lelo Yawe wisile umwenzo pali yaso nu kuyatemwa wakwe cimwi. Nupya pa nko zyonsi wasolwile sile mwemwe, mwe amu mupanda wao, wakwe vino cili ilelo.

Loma 2:9

Ucuzi nu ulanda vilaponela antu yonsi akacita viipe, inkolelo ku Ayuda alino nu ku Akulukuwa kwene.

Danieli 9:12

Wemo watufikilizya vino wavwanzile ukuti ulafikilizya ivyakupezya sweswe kumwi ni ntunguluzi zitu. Wavunwike Yelusalemu icikalale ukuluta umusumba uze uli onsi pano nsi.

Ezekelo 9:6

Mukome yonsi, akote, alumendo, akazyana, yanyina kumwi na ana yao kwene. Lelo yayo yonsi alalembwa icimanyililo pa mausyu yao, awe yene mutezya kuyakumya mwenemo. Tandikilini kuno kwene ku Ng'anda ikulu yakwe Leza.” Fwandi nayo ali pakutandikila pa ntunguluzi izyaimi ku Ng'anda ikulu yakwe Leza.

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Yelemiya 13:21

Uzye lyene mulalanda uli lino antu kwene yayo yalamufutuka yatandike nu kumuteeka, antu yano mwelenganyanga ukuti ali yacuza inu? Kwene cilamuwaya vivi kwene vino umwanaci akauvwa apakulela.

Yelemiya 11:22

Caleka Yawe wavwanga ati, “Nemo ndayavunuka! Alumendo yao yalakomwa ku nkondo. Na ana yao yalafwa ku nzala.

Yelemiya 10:25

Twala ukali wako ku antu amu mutundu uno usikupepa, na pa antu yano yakukana. Yene yakoma antu yako. Yene yatonona yatumalilila, nu kusya impanga itu ivitalang'anda.”

Yelemiya 9:25

Yawe nupya avwanga ati, “Insita imwi iliiza lino nemo ndavunuka antu yonsi, yano yasilamulwa sile uku mwili. Antu yaa yonsi yasilamulwa, lelo ukwaula kusunga upangano uno cimililanga.

Yelemiya 1:15

Pano nasya mpunde imitundu yonsi ino ikateekwa kuli yamwene aku kayeya. Yaliza yonsi pyu. Nacila wenga aliza aike icilimba cakwe ca wene apa mpongolo zyakwe Yelusalemu, na pa malinga yonsi yano yauzinguluka. Alino nu kunzi ya misumba yonsi yakwe Yuda.

Ezaya 63:19

Lelo wemo ukutucita sile wanyawanya, kwati asi wewe watuteeka. Kwati tutatala twaamwa antu yako.

Masamu 147:19

Akapeela ilandwe lyakwe ku antu yakwe, amasunde yakwe na malamulo yakwe.

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Utandiko 10:32

Antu yaa yonsi amu mupanda wakwe Nowa kulingana cila mutundu wao, luko nu luko. Acino pacisila cakwe mulamba antu amu nko zyonsi zyamu nsi yafumile mu ana yakwe Nowa.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Naumi 3:4

Vyonsi vivyo vyacitika pamulandu wa vicitwa vyawinyi ivivule vyamu Ninive. Umwanaci cizelele wilya, akaongola antu ku usuma wakwe. Akatumpoka antu ni vicitwa vyakwe vyawinyi. Wene akalyongofya inko ni vincilincili vyakwe.

Oseya 9:9

Antu yipilako ndi vino cacitike ku Gibeya. Pamulandu wakwe cico Leza atalilila uyi wao, nupya alayavunuka pa maifyo yao.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Malango 32:9

Pasi pano Yawe wasolwile antu yakwe, amu mutundu wakwe Yakobo ali caupyani cakwe.

1 Kolinto 8:3

Lelo Leza wene asyatwisika umuntu wino wamutemwa.

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Malango 4:32

“Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?

Ezekelo 5:9

Ndakufulula wemo we Yelusalemu vino ntatala nakufulula, nupya ntalatala nswilizyepo ukukufulula ndi vino ndakufulula, pano ukacita ivintu vyonsi vino nemo nasoka.

Oseya 5:3

“Antu yakwe Efulemu nayamanya, aina Izlaeli yatafisama kunondi. Antu yakwe Efulemu yasi acumi kunondi, aina Izlaeli aipe imisango.”

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Amosi 3:3

Uzye antu yaili yangapitila pali pamwi ukwaula kuzumilizyanya?

Amosi 6:1

Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Mika 2:3

Caleka Yawe wavwanga wati, “Inkwelenganya ukumuponyezya imipamba, nupya mutalutuka awe. Muliukila sile ukuti muli umu ntazi, nupya mutalatala mupite cilumba cilumba, pano ilaya insita ya viipe.

Kufuma 32:34

Ndakai pitanga utungulule antu yayo ku mpanga ino nakunenyile. Waiusya ukuti mungeli wane akaakutungulula, lelo uwanda uliza uno ndavunuka antu yayo pamulandu wi iifyo lyao.”