Amosi 3:13 - Amazwi Yakwe Leza 2013

¹³ Uvwiini nu kupeela umulandu ku amu mupanda wakwe Yakobo, kuli kulanda kwakwe Yawe, Leza Wamaka yonsi.

Amosi 3:13 交叉參考

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Milimo 2:40

Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

Amosi 5:27

Caleka nemo ndamuzingila uku uzya, ukutali ukupuzya umusumba wa Damasiko.” Avino Yawe wavwanga, wino izina lyakwe a Leza Wamaka yonsi.

Ezekelo 2:7

Yuvwe nanti yatuvwa wemo uce ukayanene amazwi yane pano uluko lulo ulutalame.

Ezaya 1:24

Ali cino fwandi Yawe Wamaka yonsi, Wamaka wilya wa ina Izlaeli wavwanga wati, “Ndalandula kuli mwe anisi yane, nu kuncuzya mutalancuzya nupya foo.

2 Milandu 24:19

Nanti cali vii, lelo Yawe atuma yakasema pakasi kao kuti yawezezye antu kunoli. Yakasema yaya lino yatandike ukusoka antu yalya, yene yakanyile ukuvwa.

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.

Malango 8:19

Mutakezye ukwilila Yawe Leza winu nanti ukusenukila kuli tuleza tuze ku kutupepa nu kututumikila. Ndi mwaca mwacita cico, lyene ilelo nkumusoka ukuti cumi kwene mulononwa.

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.