Amosi 2:7 - Amazwi Yakwe Leza 2013

⁷ Apina yene yakayacenjezya ukupitila mu kulamoka. Yene yasilonda nu kulola acuzi. Isi nu mwana umonsi yakalongozya nu mwanaci umuomvi wao ali umwi kwene, cakuti yifya ni zina lyane ilya muzilo.

Amosi 2:7 交叉參考

Amosi 5:12

Nene manyile uwingi wa viipe vinu nga nu ukulu wa maifyo inu. Mukazunya antu akacita vyaololoke nu kupoka amafukakanwa nu kunyongelekezya imilandu ya apina mu matengo ya milandu.

Ezekelo 22:11

Yamwi yakalongozya na yamuka ine nu kulyombeleka yanyinavyala, nga nu kulongozya na yakaci yao, avyalwa kuli isi wenga kwene cikulu yapusine yanyina.

Ezaya 10:2

Yene yakakana ukupingula alanda umu kulungika, nupya yakapokolola insambu zya antu yane apina, nu kusampa ivyuma kuli yamukamfwilwa, nu kupokolola ivyuma ku ana asyale.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

Mika 2:9

Mukazinga aci ya antu yane mu ng'anda zyao zino yatemwa, nupya mwapokolola ana yao upolelelo uno nayapeela uwamuyayaya.

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Loma 2:24

Malembelo yakati, “Mwe Ayuda, mwemwe mwaleka kuti Akulukuwa yavwanga mazwi ya misuli kuli Leza.”

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Amosi 8:4

Uvwini vii, mwemuno mukalyatola yayo aulilwa, mwemuno mukalonda ukonona apina amu mpanga kwene ii.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Ezekelo 36:20

Lyene nupya konsi kuno yala yaya, nako kwene yasincindika awe. Na antu yonsi yakavwanga pamulandu wao yati, ‘Antu yaa ali yano Yawe wazinzile mu mpanga ino wene wayapile.’

Mapinda 28:21

Umuncizyanya waipa. Lelo kwene antu yangifya apamulandu wakulondesya amafukakanwa.

1 Yamwene 21:4

Acino Aabu afuma kweneko ala watasoka sana pali vino Naboti umwina Yezileele wavwanzile. Lino wasendama pa musanzi wakwe, alozya amanso ku lung'umba nu kulya atalile.

2 Samueli 12:14

Lelo kwene nanti ciye vivyo, umwana wako wene alinzile ukufwa pano wemo wacisile imisuli kuli Yawe.”

Aina Levi 20:3

Muntu umwi ndi wapeela ana yakwe kuli Moleki nu kulenga Itaalu lyane lyamuzilo ukuya lyamifitalila, nupya nu kuzewanya zina lyane lyamuzilo, umuntu wiyo indamufutatila nu kumusukula mu antu yane.

Aina Levi 18:15

Utalongozya na nyokovyala,

Aina Levi 18:8

Utazewanya so pakulongozya na aci yakwe yauze.

Oseya 4:14

Lelo ntalavunuka ana inu anaci pamulandu wa uzelele wao, ntalavunuka yanyokovyala pamulandu wa kulongozya kwao. Pano mwe onsi namwe mukapita na yacizelele, nu kupeela impolelwa pali pamwi na yacizelele aku ncende yakupepelapo. Antu aulilwa amano yalononeka.

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

Ezaya 3:14

Yawe waama ivilolo vyakwe uku cilye pamwi ni ntunguluzi zya antu yakwe, nga avwanga ati, “Amwemwe kwene mukaonona icalo ca matingi, nu kufisa ivyuma vya alanda vino mwasampa.

Ezaya 3:15

Uzye apacani cino mwapokela antu yane insambu? Uzye umulandu cii uno mukuliila apina amasuku pa mutwe?” Ivyavwanga Umwene, Yawe Wamaka yonsi.

Ezaya 10:1

Kalanda kuli yayo akapanga amasunde ya lufyengo, na kuli yakalemba akapeela amalamulo akutitikizya antu yauze.

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.