Biblia Todo Logo
線上聖經

- 廣告 -




Amosi 1:14 - Amazwi Yakwe Leza 2013

14 Acino nemo ndaponyezya umoto mu musumba waku Laba, nga umoto uo uloca amalinga yakweo, lino antu yakupunda pa wanda wa ulwi, nu kulwisyanya kulakanzuka wa cipunga.

參見章節 複製




Amosi 1:14
20 交叉參考  

Nemo ndaponyezya umoto pa mpanga ya ina Moabu, nga umoto uo uloca amalinga ya musumba wa Kelioti. Aina Moabu yonsi yalafwila umukasi ka congo ca nkondo, lino asilika yalapunda nu kulizya intandala.


Cisuma, lelo kwene insita iliiza lino ndalenga ukuti aikazi ya musumba Laba wa ina Amoni, yaluvwa impoma zya nkondo. Umusumba ulya ulasanguka umutumba wa vitalanganda. Imizi yamwenemo ilapya uku moto. Izlaeli nawe alapokolola ivyuma kuli yano yamupokolwile.” Ivyalanda ne Yawe.


(Ogi umwene waku Basyani uwasyalikizye kweneko pa ina Lefaimu. Imbokosi umwali icala cakwe yali iya mawe. Umu wipi yali amamita ukulingana yaili, nu mu utali namo yali amamita yani. Imbokosi iyo icilipo na pilelo mu musumba wa ina Amoni ku Laba.)


Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.


Pa nsita ilya Yoabu watwalilile ukulwisya Laba, umusumba ukalamba uwa ina Amoni nga lilyo ale kwasyala sile panono kuti aupokolole. Apokolola nu muputule wa mukasi na nkasi ki sano.


Pali pakuvwanga ati, ‘Uli mulandu kwene ukalenga ukuti nasalanganyizizya antu yane mu mpanga zya inamasi. Mpanga itaizipila apali pakuisyalila amapooli, umwaula nanti umwi wakwikalamo.’ ”


“Lino insita yakusyalikizya ya mwene waku Silya ilafika, umwene waku Eguputo alamuzanza, nga umwene waku Silya nawe alaipokolola ku maka yakwe yonsi, ale akuomvya amaceleta, imfwalasi, nga ni vimawato ivivule. Wene alazanza impanga izivule, nu kusalalamo ungati a mulamba wa mukuku.


Umusumba winu wa Laba ndausenula uluwa lwa ngamila, ni mpanga inu yonsi mwe ina Amoni, ndaisangula incende yakucemelamo imfwele. Alino mulasininkizya ukuti nene indi Yawe.


Pano lyene ulusapato lonsi ulwa ulwi, nanti insalu zyonsi izikandane uku wazi, vimapya pyu uku moto.


ali vino nawe uyazingile ukutali kuli nkungulupya wako nu kuyatinya ukucipunga cako ica cimuza.


Lyonsi lino inyenjele yalila yene iti nu kuti, ‘Eya!’ Ala yene yanunsya uwema wa nkondo, konsi kuno iyelile, nanti pangaya apatali. Nu kuuvwa, ikauvwa vino yamusika ya vita yakupunda.


Apa mwela, lino yamwene yakaya ku ulwi, Davidi atuma Yoabu na makombe yakwe pamwi ni vita vyonsi ivya ina Izlaeli. Nayo pali pakuyalwisya nu kucimvya aina Amoni nga yazinguluka umusumba wa Laba. Lelo Davidi wene wasile umu Yelusalemu.


Apa mwela, lino yamwene yakaya ku ulwi, Yoabu atungulula impuka ya vita, nga aonona impanga ya ina Amoni. Alino aya ku musumba wa Laba nga auteyamila nu ku uzanza. Lelo Davidi wene asyala mu Yelusalemu. Lyene Yoabu azanza umusumba wa Laba nu kuonona.


Uliukila sile icilulumo camaka, ni cilundumusi, ni congo cikalamba, ivilafuma kuli Yawe Wamaka yonsi apakwiza ku kukupususya. Alatuma ni cimuza, na nkungulupya nga ni cimbilimbili ca moto ca koca ivintu coceoce.


Icipunga ca ukali wakwe Yawe caticikatuka, na nkungulupya kwene watakatuka wiyo wino alaponela pa mitwe ya antu aipe.


Cimanyililo conga ali cakulanga umwene inzila iyaya ku Laba, ku musumba wa ina Amoni. Cuze naco ali cakulanga inzila yaya ku Yuda, nupya yalungama nu ku musumba wa Yelusalemu.


Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.


acino nani lyene ndakusumba ku antu ya mitundu yuze, uleke yakakusampe vyonsi. Ndamulovya sile mwensi, pakuti umutundu winu ukalowe, mutakaikwatile impanga nupya. Ee, alino lyene mulasininkizya ukuti nene indi Yawe.”


Asenda kumwi na antu yano yali mu musumba ulya, aya ayapeela incito iyakulepula imbao, ni yakulepula amawe na yapiki. Ukulunda penepo ni ncito iyakuomvya impasa alino nu kutama injelwa. Avili vino wene wacisile na kuli yonsi ali mu misumba ya ina Amoni. Lyene Davidi ni vita vyakwe vyonsi iyaswilila ku Yelusalemu.


“Lelo nawe we kateeka wa mpanga yakwe Izlaeli, we nkakasi ya muntu we ciwelewele we, nawe kwene lyene uwanda umakufikila uwakukufulwilapo.


跟著我們:

廣告


廣告