Amosi 1:13 - Amazwi Yakwe Leza 2013

¹³ Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Amosi 1:13 交叉參考

Oseya 13:16

Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Ezekelo 35:10

“Pamulandu wakuti wanenyile inko ziili, Izlaeli na Yuda, uti mwemwe mpanga zyane tumamupoka, nanti angala mwikala ne Yawe.

Ezaya 5:8

Kalanda kuli mwemwe mwemuno mukalunda kukuula amang'anda pa mang'anda yano mwakwata. Apa vyalo vino mwakwata mwemo mukalundilapo navyuze, icakuti lyene auzo iyasuka yuulilwa napakwikala. Lyene mwemwe mwenga sile mwasuka mwikala mu mpanga.

Amosi 1:3

Yawe wavwanga wati, “Antu aku Damasiko yacili yakutwalilila ukwifya, acino nani ntalata ukuyavunuka. Yene yakazunya antu aku Gileadi ukaka ukaka.

Ezekelo 21:28

“We mwana wa muntu sema amazwi yane. Kafisye amazwi yano ne Yawe Simwandalali nkunena aina Amoni, akatukola intusi aina Izlaeli. Kayanene uti, ‘Ala ulupanga alulo, lukulonda ukusalipa. Lwatilukulumbikilwa ukusalipa, nu kumyantula wa nkuwa.

Neemiya 2:19

Lelo lino Sanibalati umwina Holoni, Tobiya intunguluzi ya ina Amoni na Alabu wino yamanga Gesyemu, lino yuvwa umulandu uu iyiza kunotuli, iyatandika kututumfya yati, “Mukucita cani kuno? Simanye mukulonda musangukile umwene Alitakisesi?”

2 Milandu 20:10

“Lino aina Izlaeli yafumile uku Eguputo, utazumilizye kuti aina Amoni, na ina Moabu na antu aku mwamba wa Seili, yayalwisye. Yonsi kwene wayafuntwisye ku konona aina Izlaeli.

2 Milandu 20:1

Pacisila ca nsita imwi, aina Moabu na ina Amoni nga na yamwi aina Meuni yiza ku kulwa inkondo na Yeosafati.

2 Yamwene 24:2

Yawe ali pakutumila Yeoyakimu ivita vya nkondo ukufuma uku Babiloni, uku Asilya, uku Moabu, pamwi ni vya ina Amoni, apakuti viye vikonone impanga ya Yuda, wakwe muno yakasema, aomvi yamwene yalandile ukuti ali muno Yawe alacitila.

Malango 2:19

Lino mwapalamila ku mpanga ya ina Amoni, mutaca mwezye ukuyacuzya nanti ukuyakatusizya inkondo, pamulandu wakuti mwemo ntalamupeela icipande ca mpanga ino nayapeela.’ ”

Masamu 83:7

aina Gebali, aina Amoni na ina Amaleke, aina Filisti kumwi na ina Tuli.

2 Yamwene 15:16

Lino Menaemu wafumanga uku Tiliza, umu nzila wasile wavundanya umusumba wa Tifisa, aonona yonsi pyu. Asya wakoma na ikazi yonsi amwenemo, aonona ni mpanga yonsi iyali mu mbali, apakuzana ukuti antu ali mwenemo yatalondanga ukucimba kunoli. Asya wapanza yamangu yonsi anyomelile.

Yelemiya 25:21

Nupya aina Edomu, Moabu nga na ana yakwe Amoni.

2 Samueli 12:31

Asenda kumwi na antu yano yali mu musumba ulya, aya ayapeela incito iyakulepula imbao, ni yakulepula amawe na yapiki. Ukulunda penepo ni ncito iyakuomvya impasa alino nu kutama injelwa. Avili vino wene wacisile na kuli yonsi ali mu misumba ya ina Amoni. Lyene Davidi ni vita vyakwe vyonsi iyaswilila ku Yelusalemu.

2 Yamwene 8:12

Hazaeli nawe asuka auzya ati, “Uzye pacani fwandi cino watandika ukulila vivyo?” Elisya nawe aasuka ati, “Apamulandu wakuti ni ndola ivintu ukwipa vino ulacita ku ina Izlaeli. Wemo uloca amalinga yao, ulakomola alumendo yamaka yonsi, ulapolola utwana twao ni mpungo mpaka tufwe, alino nu kupanza ya mama yonsi anyomelile.”

Ezekelo 25:1

Yawe avwanga kunondi ati,

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.