Aina Levi 9:23 - Amazwi Yakwe Leza 2013

²³ Mose na Aaloni yingila mwi Taalu lya Ukongano. Lino yafuma yapolelela antu. Alino uluswepo luyengese lwakuyapo kwakwe Yawe luloleka ku antu onsi.

Aina Levi 9:23 交叉參考

Aina Levi 9:6

Mose avwanga ati, “Yawe watapeela ilamulo kunomuli kuti mucite vikwene, pakuti mulole uluswepo luyengese lwakuyapo kwakwe Yawe.”

Mpendwa 16:19

Lyene Kola akonganika iuvi lyonsi pyu, yala yakulolana pa manso pipi pipi na Mose na Aaloni pa mulyango wi Taalu lya Ukongano. Lilyo kwene uluswepo lukulu lwa lulumbi lwakwe Yawe luloleka kwi uvi lyonsi,

Mpendwa 16:42

Lelo pacisila lino iuvi lili lyaunganila Mose na Aaloni nu kuilizyanya kunoyali, iliseleukila kwi Taalu lya Ukongano nga lilola ukuti ikumbi likuvimba Itaalu nu kuti uluswepo lwa lulumbi lwakwe Yawe lwaloleka.

Mpendwa 14:10

Lelo iumba lyonsi lyalandanga pa kuyatama na mawe. Alino papo kwene ucindami wakwe Yawe iuloleka ku ina Izlaeli yonsi mwi Taalu lya Ukongano.

Kufuma 39:43

Lyene Mose aceceta vyonsi vino vyapanzilwe nga lyene asininkizya ukuti iyavipanga wakwe vino Yawe wapeezile ilamulo. Lilyo kwene Mose apolelela antu onsi.

2 Milandu 7:1

Walanga sile umwene Solomoni wamala ukupepa, umoto ufuma nu kwi yulu, oca ivyamawila vino yalanga yatiyapeela nga lyene nu ucindami wakwe Yawe uyengese wiza ulimba Ng'anda ikulu yakwe Leza yonsi.

Kufuma 16:10

Lino Aaloni akunena iuvi lyonsi lya ina Izlaeli, nalyo ilisenukila ku lwanga, nga ililola uluswepo luyengese lwakwe Yawe mwi kumbi.

Aina Levi 9:4

Nupya mutole masaye na suuku kuti viye uwila wa utandano, wakuti mupeele pa manso yakwe Yawe pamwi nu wila wa cakulya, utikinkanye na mafuta. Pamulandu wakuti ilelo Yawe amaloleka kunomuli.’ ”