Aina Levi 8:11 - Amazwi Yakwe Leza 2013

¹¹ Alino atoola amafuta yamwi asansa maila cinimbali pa kavuwa na pa viombelo vyonsi vyakako. Asansa na pali muyeza uwakufulalila pamwi ni citende cakwe, kuti avipaatwile kuli Yawe.

Aina Levi 8:11 交叉參考

Tito 3:6

Leza watupongololwile Mupasi Wamuzilo nu kuluta muli Katuula witu Klistu Yesu.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

Kufuma 30:29

Vyonsi vii uvipaatule mu musango kwene uu, nupya viye vyamuzilo ukuluta. Nupya icili consi icilakumya vintu kwene vii naco kwene cilaya camuzilo.

Kufuma 16:19

Lyene Mose ayanena ati, “Kusi umuntu nanti umwi wakuti asunge vilyo vii kufika mutondo katondo.”

Kufuma 16:14

Lino lumi lwasila mu lwanga pa musili paloleka tuntu tumwi tunyale nupya tupapatane ngati amamba nupya tutiswe ngati akungwi wino ali pansi.

Kufuma 4:17

Senda intuwa ii, pano ali ino ulaomvya pa kucita vizungusyo.”

Kufuma 4:6

Nupya Yawe anena Mose ati, “Ingizya ikasa lyako mu mwingila wako.” Mose ayela ilamulo, lelo lino wafumya ikasa lyakwe mu mwingila azunguka pa kulola ukuti ikasa lyakwe ilyali nu ulwale, liloleka litiswe mpee wa mula.

Kufuma 29:36

Cila wanda ulinzile ukupeela cipambasi uwa wila wa kwelela amaifyo pakuti maifyo yayo yelelwe. Uswefye kavuwa pa kutwalapo uwila wa kufuta amaifyo. Lyene ukapake amafuta pakuti kaye kamuzilo.

Kufuma 29:37

Pa manda cinimbali uwapeelela kavuwa impolelwa. Lyene kavuwa kalaya kamuzilo ukuluta, nga na consi cino cilakumya kavuwa kako naco cilononwa nu muzilo wakako.

Aina Levi 4:6

Alino atimpike umunwe wakwe mu wazi, nga pa manso yakwe Yawe asanse uwazi uwo maila cinimbali ku nkolelo ya nsalu ino yacinga Ncende Yamuzilo.

Aina Levi 4:17

Papo kwene simapepo wiyo atimpike umunwe wakwe mu wazi, alino pa manso yakwe Yawe, asanse uwazi uwo maila cinimbali ku nsalu ino yacinga Ncende Yamuzilo.

Aina Levi 14:16

Lyene atimpike umunwe wakwe wa kwi kasa lilunji mu mafuta, alino asanse amafuta nu munwe wakwe maila cinimbali pa manso yakwe Yawe.