Aina Levi 7:12 - Amazwi Yakwe Leza 2013

¹² Muntu ndi wapeela uwila uu kuti uye uwila wakutaizya kuli Yawe, apeelele inyama yakoca impolelwa pamwi nu mukate utikame usi na citutumusi, uno uwapangilwa nu usu utikinkanye na mafuta, nanti umukate wa mpanda upapatale usi na citutumusi nupya upake amafuta ya miolivi, nanti yakeke yano yapangwa nu usu utonyoleke, utikinkanye na mafuta.

Aina Levi 7:12 交叉參考

Mpendwa 6:15

pamwi na mawila ya cakulya na mawila ya vyakumwa, nga ni cimponda ca mukate usi na citutumusi, imikate itikame iyapangwa nu usu utonyoleke utikinkanye na mafuta, ni mikate ya mpanda ipapatale ipakwe mafuta.

Aina Levi 2:4

“‘Ndi ukupeela uwila wa usu uno wapangwa mu citofu, uwila uwo ulinzile ukuya makeke ya usu wa ngano utonyoleke usi na citutumusi nupya utikinkanye na mafuta, nanti umukate wa mpanda upapatale usi na citutumusi nupya upake mafuta.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

Ayebulai 13:15

Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

Efeso 5:20

Mwi zina lya Mwene witu Yesu Klistu, mwataizya Leza Tata lyonsi pa vintu vyonsi.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

Luka 17:18

Uzye icani cino yene yatawezile nu kwiza taizya Leza suka sile mwinamasi wii?”

Luka 17:16

Lyene afukama pansi nkolelo yakwe Yesu, amutaizya. Muntu wii, wali u Musamaliya.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Masamu 116:17

Namakutuula impolelwa yaku kutaizya nu kutuula ipepo lyane kunuli.

Masamu 107:8

Kayale yalumbanya Yawe apa kutemwa kwakwe ukwa pe, nga na pavizungusyo vino akacitila ana ya antu.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Neemiya 12:43

Pa wanda kwene ulya yapeela impolelwa izingi wakwe cimwi, nga yazanga pamulandu wakuti Leza aliwe wayalenga ukuzanga. Anaci pamwi na ana nayo kwene yazanga. Icongo cakuzanga cino yacisile cuvwikanga ukufuma ukutali.

2 Milandu 33:16

Ali pa kukuula kavuwa kakwe Yawe cipya cipya, apano apeelela nu wila wa utandano, nu kutaizya. Ali pakukonkomezya Ayuda ukuti yapepa sile Yawe, Leza wa ina lzlaeli.

2 Milandu 29:31

Lyene Hezekiya avwanga ati, “Ndakai mwatimuiswefya mweisikulu kuti muombe umulimo wakwe Yawe. Acino palamilini kuno, mulete impolelwa na mawila inu akutaizya uku Ng'anda ikulu yakwe Yawe.” Nga antu yonsi yano imyenzo yao ikasi yaleta amawila yakoca.

Aina Levi 22:29

Lino mukupeela impolelwa yakutaizya kuli Yawe, mwalondela malamulo pakuti impolelwa zinu zingapokelelwa.

Aina Levi 7:15

Inyama ya wila wa utandano yakutaizya yalinzile yailye pa wanda kwene uno yapeela uwila. Yatasyako nanti kamwi kufika ku katondo ka wanda uwalondelela.

Aina Levi 6:16

Lyene Aaloni na ana yakwe yalye vino vyasyalapo. Viye vyaulamo icitutumusi, nupya yaviliile pa Ncende Yamuzilo, kuli kuti pa musolo wi Taalu lya Ukongano.

Aina Levi 2:5

“‘Ndu kupanga umukate wa wila wa usu mukuomvya cikombole, uwila uwo ulinzile ukuya umukate wa usu utonyoleke utikinkanye na mafuta, nupya usi na citutumusi.

Amosi 4:5

Mupele umukate winu pakuti mutaizye Leza. Muitakizye apa mawila inu akuitemelwa, nu kuyuvwa pa mawila kwene yayo, pasi pano avino mwe ina Izlaeli mwatemwa ukucita. Avino Yawe wavwanga.