Aina Levi 6:5 - Amazwi Yakwe Leza 2013

⁵ Pa wanda uno akupeela uwila wa cizumila mulandu alinzile awezezye umweneco vintu vyonsi vino watozile. Lyene aungilizyepo icintu conga pali cila visano.

Aina Levi 6:5 交叉參考

Aina Levi 5:16

Muntu wiyo alinzile ukulipa kuti aswilizye pa vintu vivi vino waposiwe ukulipa. Lyene aungilizyepo icintu conga pali cila visano. Alino avitwale kuli simapepo, nga simapepo wiyo acite ulutambi lwa kufuta amaifyo ya antu, lyene umuntu wiyo alelelwa.

Luka 19:8

Zakeyo nawe aimilila anena Mwene ati, “Mwene, uvwa! Ndapela citika wa vyuma vyane ku apina. Nupya ndi natala nacenjezya umwi cili consi, ndamuwezezya maila yani kulingana ni cintu cico.”

2 Samueli 12:6

Wene alinzile alipile amaila yani pa mfwele iyo, pamulandu wakuti watacita icintu camusango uwo nupya atakweti uluse.”

1 Samueli 12:3

Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”

Kufuma 22:9

“Mu mulandu onsi uno antu yaili yakupazyanya pali masaye, punda, imfwele, vyakuzwala nanti icintu consi caticiponga, cino ali wino akuti cakwakwe, antu yaili yaa yalinzile kuyatwala kuli yakapingula. Lyene yakapingula yalinzile kupingula mulandu, nga wino wazanikwa nu mulandu alinzile ukulipa muze maila yaili.

Ezaya 58:9

Lyene mulati ndi mwangama ndaasuka. Mulaapunda izina lyane nani ndaasuka inti, ‘Apano ndi.’ Ndi cakuti mwata ukutwika auzo ikoli, mwata nu kusontana iminwe, mwata nu kulanda ivintu viipe pali alio,

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Kufuma 22:7

“Muntu umwi ndi wazumila kusungila umuntu muze impiya nanti icintu camutengo ukulu nga lyene yamwiyila, ndi umwivi yamulema alinzile kulipila maila yaili.

Kufuma 22:4

Ndi cakuti inyama ino wiya yaizana ipuma ale ali nayo, cisi mulandu inyama iyo ingaya a masaye nanti punda nanti imfwele, wene alinzile kulipa ziili pa nyama yonga.

Kufuma 22:1

“Muntu ndi wiya masaye nanti imfwele nanti imbuzi, wakoma nanti wakazya, alinzile kulipila yamasaye yasano pali masaye wiyo wenga, nga alinzile kulipila imfwele nanti imbuzi zini pa mfwele nanti imbuzi iyo yonga.

Ezekelo 33:15

ivili wa kuwezya ivya kulemela umulandu pali vino wakongwile, wawezya navino wivile, amalondela amasunde akatwala uku uumi, wene atalafwa foo, alaya nu umi pee.

Kufuma 30:7

Cila katondo konsi Aaloni afutikila ubani wa cinunkilo cisuma, nupya insita kwene iyo aateyanya malampi yaili.

Neemiya 10:35

Twalaya ukuti tukaaleta cila mwaka ivizao vyankolelo vyamu vyalo vitu ni viseekwa vyankolelo vya cila muti onsi uku Ng'anda ikulu yakwe Yawe.