Aina Levi 6:23 - Amazwi Yakwe Leza 2013

²³ Cawila wa cakulya icili consi cakwe simapepo ciye cakoca consi, yatacilya foo.”

Aina Levi 6:23 交叉參考

Aina Levi 2:10

Lyene ivyasyala vya mawila ya usu vipelwe kuli Aaloni na ana yakwe. Cico kwene cili ciputulwa camuzilo ukuluta, pamulandu wakuti casyala pa mawila akocela Yawe.

Aina Levi 6:22

Ku nsita yonsi yaku nkolelo uwila uu ulinzile kupelwa na wensi uwamu mupanda wakwe Aloni, wino akutumikila nga Simapepo Mukulu. Alinzile aoce onsi pyu.

Aina Levi 6:24

Yawe anena Mose ati,

Aina Levi 4:5

Lyene Simapepo Mukulu wino wapakwa na mafuta atoole uwazi umwi wakwe kacipambasi kako nu kuya nao kwi Taalu lya Ukongano.

Aina Levi 4:12

avifumizye kunzi ya nsakwe ku citumba kuno yakasumba itwi nga akuno yavyocele pa moto wa nkwi.”

Aina Levi 4:21

Lyene cipambasi wiyo amufumizye kunzi ya nsakwe nu kumoca wakwe vino yacisile cipambasi wakutandika. Wiyo kwene ali wila wa kwelela amaifyo yi uvi.”

Aina Levi 16:27

Ing'ombe ni mbuzi ya wila wa kwelela amaifyo, zino yatozile uwazi waziko yaomvye pa lutambi lwa kuswefya Ncende Yamuzilo kuluta, yalinzile kuzifumya kunzi ya nsakwe. Alino yoce imikwela, ni minyefu nga ni vyamunda vyakwezyo.