Aina Levi 5:16 - Amazwi Yakwe Leza 2013

¹⁶ Muntu wiyo alinzile ukulipa kuti aswilizye pa vintu vivi vino waposiwe ukulipa. Lyene aungilizyepo icintu conga pali cila visano. Alino avitwale kuli simapepo, nga simapepo wiyo acite ulutambi lwa kufuta amaifyo ya antu, lyene umuntu wiyo alelelwa.

Aina Levi 5:16 交叉參考

Mpendwa 5:7

Wene alinzile wailongwela iifyo lino watacita alino na pakulipa alinzile kuwezya cino watatola. Alino alundepo icipande conga pali visano pali cino watalipa. Alino aswilizye vyonsi vii kuli wiya wino aifizye.

Aina Levi 22:14

“‘Muntu ali wensi wino asi uwamu ng'anda yakwe simapepo ndi walya impolelwa yamuzilo mukuntamanya, alinzile ukulipa kuli simapepo pa cintu cino walya. Alino papela ya cintu cico aungilizye icintu conga pali cila visano.

Aina Levi 27:31

Ndi umuntu akasi kukulula icili consi pali vivyo kuti cimuwelele, lyene alinzile ukulipa mutengo uno wazumiliziwa, aungilizyepo na conga pa vintu visano pa mutengo wakweco.

Aina Levi 27:27

Lelo iyeli lya nyama yamifitalila lilinzile kukululwa pa mutengo wakweyo uno wikwa, nu kulundapo conga ca muli visano pa mutengo uwo.

Aina Levi 27:15

Muntu ndi wapeezile ng'anda iyo kuli Yawe, lyene akasi kuti akulule ng'anda iyo, alinzile ukulipa mutengo wakweyo nga alundepo conga ca muli visano pa mutengo uwo. Lyene ng'anda ilaya iyakwakwe.

Aina Levi 27:13

Ndu mweneco akasi kukulula inyama iyo, lyene alinzile ukulipa mutengo wakweyo nga alundepo conga camuli visano pa mutengo uwo.

Aina Levi 5:10

Lyene apeele icunyi cuze cakwe ciili kuti ciye uwila wakoca kulingana nu lutambi lwa kufuta amaifyo ya antu, nga lyene umuntu wiyo alelelwa.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Luka 19:8

Zakeyo nawe aimilila anena Mwene ati, “Mwene, uvwa! Ndapela citika wa vyuma vyane ku apina. Nupya ndi natala nacenjezya umwi cili consi, ndamuwezezya maila yani kulingana ni cintu cico.”

Masamu 69:4

Antu akantandika uku mpata, yati yaya anyanya. Yavulisya nu kuluta inyele zyakumutwe. Yakasomba yaufi, akansombezye ukwaula umulandu uno nacita, yakalonda sile umwakuti mfwile. Nkapatikiziwa ukulipa vino ntiya.

Aina Levi 5:13

Mu musango kwene uu, muli muno yasimapepo yacitila ulutambi lwa kufuta amaifyo ya antu. Lyene umuntu wiyo alelelwa. Lelo uwila uwasyala wene uwakwe simapepo, ndi vino cikaya ku wila wa cakulya.”

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

Kufuma 22:1

“Muntu ndi wiya masaye nanti imfwele nanti imbuzi, wakoma nanti wakazya, alinzile kulipila yamasaye yasano pali masaye wiyo wenga, nga alinzile kulipila imfwele nanti imbuzi zini pa mfwele nanti imbuzi iyo yonga.

Aina Levi 7:2

Pa cifulo cino yakafyulilapo inyama ya wila wakoca, ali pano yafyulila ni nyama ya wila wa cuzumila mulandu, alino yasansa uwazi wakweyo kuzingulusya kavuwa.

Mpendwa 5:8

Lelo ndi cakuti wino yafyenzile wafwile alino pasi nu muntu wakwe uwakuti yapeele, lyene ale ivyakulipa vilinzile vilipwe kuli Yawe. Nu wakulya ivintu vivyo ale a simapepo. Na vivyo ale ivyakulunda pali suuku wino simapepo akuomvya pakucita ulutambi lwa kufuta amaifyo.

1 Samueli 6:3

Nayo iyaasuka iyati, “Ndi cakuti mwaswilizya Mbokosi ya Upangano yakwe Leza wa ina Izlaeli, ale lyene mutaiswilizya sile minwe. Lelo apakuiswilizya mulinzile mwika penepo nu wila wa cizumila mulandu uwa kulipa kuli Leza wa ina Izlaeli. Lyene ali lino mulapoziwa nu kumanya icalenga kuti Yawe atata ukumuvunuka.”

Aina Levi 4:20

Vii avino yacite kuli cipambasi wii. Ndi vino yacisile kuli cipambasi wilya wakupeela wa wila wa kwelela amaifyo, avino yacite na wikwene. Mu musango kwene uu amuno Simapepo ali nu kupeelelamo uwila wa kufuta amaifyo ya antu, insita kwene iyo iuvi lilelelwa.