Aina Levi 5:13 - Amazwi Yakwe Leza 2013

¹³ Mu musango kwene uu, muli muno yasimapepo yacitila ulutambi lwa kufuta amaifyo ya antu. Lyene umuntu wiyo alelelwa. Lelo uwila uwasyala wene uwakwe simapepo, ndi vino cikaya ku wila wa cakulya.”

Aina Levi 5:13 交叉參考

Aina Levi 2:3

Ivyasyala vya wila wa usu vipelwe kuli yasimapepo, ana yakwe Aaloni aonsi. Uwila uu uwa mununko usuma ukazanzya Yawe.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

1 Kolinto 9:13

Cumi kwene mwamanya vino antu akaomba mu Ng'anda ikulu yakwe Leza yene yakalya kufuma muli vino vikapelwa mwenemo. Nupya mwamanya vino yao akaomba pa kavuwa yene yakaankanyiwako impolelwa zimwi zino zikapelwa pa kavuwa.

Oseya 4:8

Yene yakaya akama ukupitila mu kwifya kwa antu yane, nupya yakalonda ukuti antu yayo yalukulunda penepo ukwifya.

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.

Aina Levi 7:6

Monsi wensi uwamu ng'anda yakwe simapepo angalyako. Aliile uwila uwo pa Ncende Yamuzilo. Uwo kwene uli wila wamuzilo cuze.

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 4:31

Alino afumye amafuta yonsi ya mbuzi ndi vino yakafumya amafuta ya wila wa utandano. Lyene simapepo ayocele pa kavuwa kako, kuti viye uwila uwa mununko usuma ukazanzya Yawe. Mu musango kwene uu amuno Simapepo ali nu kupeelelamo uwila wa kufuta amaifyo ya muntu uwasilesile, nga insita kwene iyo umuntu alelelwa.

Aina Levi 4:20

Vii avino yacite kuli cipambasi wii. Ndi vino yacisile kuli cipambasi wilya wakupeela wa wila wa kwelela amaifyo, avino yacite na wikwene. Mu musango kwene uu amuno Simapepo ali nu kupeelelamo uwila wa kufuta amaifyo ya antu, insita kwene iyo iuvi lilelelwa.

Aina Levi 2:10

Lyene ivyasyala vya mawila ya usu vipelwe kuli Aaloni na ana yakwe. Cico kwene cili ciputulwa camuzilo ukuluta, pamulandu wakuti casyala pa mawila akocela Yawe.

Aina Levi 5:4

Muntu umwi mukuitazyela ndi walapa, usi mulandu pa cintu icili consi, wene ali nu mulandu lino wamanya cino watacita.

Aina Levi 5:5

Lino muntu ali nu mulandu, wene alinzile kuilongwela iifyo lyakwe.

Aina Levi 5:10

Lyene apeele icunyi cuze cakwe ciili kuti ciye uwila wakoca kulingana nu lutambi lwa kufuta amaifyo ya antu, nga lyene umuntu wiyo alelelwa.

Aina Levi 5:12

Lyene alete usu kuli simapepo, alino simapepo wiyo atapule ikufi lyonga pakulanga ukuti iciputulwa capeelwa kuli Yawe. Alino aocele usu uwo pa kavuwa pamwi na mawila akocela Yawe. Ukwene uli wila wa kwelela amaifyo.

Aina Levi 5:14

Yawe apeela Mose malamulo yaa, ati,

Aina Levi 5:16

Muntu wiyo alinzile ukulipa kuti aswilizye pa vintu vivi vino waposiwe ukulipa. Lyene aungilizyepo icintu conga pali cila visano. Alino avitwale kuli simapepo, nga simapepo wiyo acite ulutambi lwa kufuta amaifyo ya antu, lyene umuntu wiyo alelelwa.