29 Lyene aike ikasa lyakwe pa mutwe wa mbuzi ya wila wa kwelela amaifyo. Alino aifyulile pa cifulo cino yakapelelapo uwila wakoca.
Lyene yene ilinzile ukwika makasa pa mutwe wakwe sawe, imufyulile pa cifulo cino yakafyulilapo uwila wakoca pa manso yakwe Yawe. Uwo kwene uli wila wa kwelela amaifyo.
Simapepo atwale kacipambasi kako pa mulyango wi Taalu lya Ukongano pa manso yakwe Yawe. Lyene aike ikasa lyakwe pa mutwe wakwe kacipambasi kako. Alino akafyulile pa manso yakwe Yawe.
Lyene intunguluzi zi uvi ziike amakasa yakwezyo pa mutwe wakwe kacipambasi kako, pa manso yakwe Yawe. Alino akafyule pa manso yakwe Yawe.
Lyene aike ikasa lyakwe pa mutwe uwa wila uwo wakoca, alino Yawe alapokelela uwila uwo pakufuta amaifyo yakwe.
Lyene aike ikasa lyakwe pa mutwe wa mfwele iyo ya wila wa kwelela amaifyo. Alino aifyulile pa cifulo cino yakafyulilapo uwila wakoca.
Alino umuntu wiyo afyule cipambasi pa manso yakwe Yawe. Lyene yasimapepo ana yakwe Aaloni aonsi yatole uwazi wa ng'ombe iyo yaukanyizye ukuzingulusya kavuwa kano kali ulunga nu mulyango wi Taalu lya Ukongano.
Alinzile kuifyulila ku katutu ka kavuwa pa manso yakwe Yawe. Lyene yasimapepo ana yakwe Aaloni aonsi yatole uwazi wakweyo yaukanyizye ukuzingulusya kavuwa.
Ulupiya ulwapelwanga uku kulipa ku milandu nanti uku kuzifya vino vyativivulungana, lwene yatalutwalanga ku Ng'anda ikulu yakwe Yawe. Lelo lwayanga sile kuli yasimapepo.
Imbuzi zyakupeela uwila wakwelela kwa maifyo yazileta ku mwene nu ku antu akongine, nga yazikila amakasa.
