Aina Levi 4:20 - Amazwi Yakwe Leza 2013

²⁰ Vii avino yacite kuli cipambasi wii. Ndi vino yacisile kuli cipambasi wilya wakupeela wa wila wa kwelela amaifyo, avino yacite na wikwene. Mu musango kwene uu amuno Simapepo ali nu kupeelelamo uwila wa kufuta amaifyo ya antu, insita kwene iyo iuvi lilelelwa.

Aina Levi 4:20 交叉參考

Mpendwa 15:25

Alino simapepo ali nu kucitila iuvi lyonsi lya ina Izlaeli ulutambi lwa kufuta amaifyo, nga nayo yalelelwa, pamulandu wakuti kuluvyanya kuko kwacisilwe ukusi ku mufulo nga nu kuti yene yalesile uwila uwo kuli Yawe, uwa kwelela amaifyo.

Aina Levi 12:8

Mwanaci ndi cakuti atakweti imfwele, alinzile ukuleta ivipeele viili nanti ana ya nkunda yaili, conga ciye uwila wakoca ni cuze ciye uwila wa kwelela amaifyo. Mu musango kwene uu simapepo alinzile ukumucitila ulutambi lwa kufuta amaifyo, nga nawe alaswefiwa.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Mpendwa 15:28

Simapepo nawe ali nu kumucitila ulutambi lwa kufuta amaifyo kwi iifyo lyakwe lino wacisile kusi ku mufulo, nga nawe alelelwa.

Aina Levi 14:18

Mafuta yano yasyala pi kufi simapepo alinzile kupaka ku mutwe wa muntu wino akuswefiwa. Vii, avili vino simapepo alinzile ukucitila umuntu ulutambi lwa kufuta amaifyo pa manso yakwe Yawe.

Aina Levi 6:7

Lyene simapepo acite ulutambi lwa kufuta iifyo lino umuntu wiyo wacita.”

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

Aina Levi 1:4

Lyene aike ikasa lyakwe pa mutwe uwa wila uwo wakoca, alino Yawe alapokelela uwila uwo pakufuta amaifyo yakwe.

Kufuma 32:30

Uwanda walondelela Mose anena antu ati, “Mwacisile iifyo iliipe cuze. Lelo ndakai namaswilila kuli Yawe ku mwamba, limwi ningamucitila ulutambi lwa kufuta amaifyo. Limwi angamwelela iifyo linu.”

Aina Levi 4:8

Lyene afumye amafuta yonsi yakwe cipambasi uwa wila wa kwelela amaifyo pamwi na mafuta andatila ku vyamunda nanti yano yalematila kunovili.

Aina Levi 4:21

Lyene cipambasi wiyo amufumizye kunzi ya nsakwe nu kumoca wakwe vino yacisile cipambasi wakutandika. Wiyo kwene ali wila wa kwelela amaifyo yi uvi.”

Aina Levi 4:35

Lyene afumye amafuta ya mfwele yonsi, ndi vino yakafumya amafuta ya wila wa utandano. Lyene simapepo ayocele pa kavuwa pamwi na mawila yauze akocela Yawe. Mu musango kwene uu, ndi simapepo wamala ukucita ulutambi lwa kufuta amaifyo ya muntu uwasilesile, umuntu wiyo alelelwa.

Aina Levi 5:10

Lyene apeele icunyi cuze cakwe ciili kuti ciye uwila wakoca kulingana nu lutambi lwa kufuta amaifyo ya antu, nga lyene umuntu wiyo alelelwa.

Aina Levi 5:13

Mu musango kwene uu, muli muno yasimapepo yacitila ulutambi lwa kufuta amaifyo ya antu. Lyene umuntu wiyo alelelwa. Lelo uwila uwasyala wene uwakwe simapepo, ndi vino cikaya ku wila wa cakulya.”

Aina Levi 5:16

Muntu wiyo alinzile ukulipa kuti aswilizye pa vintu vivi vino waposiwe ukulipa. Lyene aungilizyepo icintu conga pali cila visano. Alino avitwale kuli simapepo, nga simapepo wiyo acite ulutambi lwa kufuta amaifyo ya antu, lyene umuntu wiyo alelelwa.

Aina Levi 5:18

Wene alinzile ukuleta kuli simapepo, suuku nanti sawe uwaula ulema, nga wewe kwene ulinzile kwika umutengo wakwe kulingana nu mutengo uwa uwila wa cizumila mulandu. Simapepo wiyo alinzile ukucita ulutambi lwa kufuta amaifyo api ifyo lino umuntu wiyo wacita, lyene umuntu wiyo alelelwa.

Aina Levi 15:15

Simapepo alinzile ukupeela icunyi conga ukuya uwila wa kwelela amaifyo. Lyene icunyi cuze ciye uwila wakoca. Vii, avili vino simapepo alinzile ukucita pa lutambi lwa kufuta amaifyo ya muntu wiyo pamulandu wakuti akufumya ufila ku wonsi wakwe.

Aina Levi 19:22

Alino simapepo atoole suuku wiyo uwa wila wa cizumila mulandu nga acite ulutambi lwa kufuta amaifyo ya muntu wino watalongozya. Lyene Leza ali nu kumwelela.