Aina Levi 3:17 - Amazwi Yakwe Leza 2013

¹⁷ Kusi mwina Izlaeli angalya amafuta nanti uwazi. Ilamulo lii lilinzile kusungwa na ina Izlaeli yonsi amanda pe, konsi kuno yalikala.’”

Aina Levi 3:17 交叉參考

Utandiko 9:4

Lelo mutakezye ukulya inyama muno mucili uwazi, pano uwazi uli umi wakweyo.

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Malango 15:23

Lelo mutakezye ukulya uwazi. Mulinzile ukupongolwela uwazi pa musili wakwe vino mukaitila amanzi.”

Malango 12:23

Lelo cisi cakwezya ukulya inyama lino icili nu wazi, pamulandu wakuti uwazi umwaya umi. Fwandi mutalinzile ukulya umi ni nyama kwene.

Aina Levi 7:23

“Nena aina Izlaeli ukuti kusi wakulya amafuta ya ng'ombe nanti a mfwele nanti a mbuzi.

Malango 12:16

Lelo mutaca mwalya zino zicili nu wazi. Uwazi wene muce mwawitila pansi wa manzi.

Aina Levi 17:7

Caleka ndakai aina Izlaeli yatalinzile ukupeela impolelwa ku tuluwi utwa cata ca mbuzi tuno yakafukamila. Ilamulo lii, lili nu kusungwa ku nkulo zinu zyonsi.

Aina Levi 6:18

Amu mupanda wakwe Aaloni aonsi yangalya ivya mawila akocela Yawe, wakwe vino calembwa ukuti cili nu kuya vivyo kwene amanda pe mu nkulo zinu zyonsi. Lelo wino wensi asi simapepo aalakumya kavuwa kako alailetela isyamo pamulandu wa maka yakako amuzilo.

Aina Levi 3:16

Alino simapepo aoce vyonsi vivyo pa kavuwa, kuti viye uwila wa usu wakoca pa moto, uwa mununko usuma ukazanzya Yawe. Mafuta yonsi akwe Yawe.

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Milimo 15:29

mutalya vyakulya ivyapeelwa ku tuluwi, mutalya uwazi. Mutalya inyama zinyongwe. Muisunge ku ulalelale. Muli nu kucita ningo ndi cakuti mwaisunga ku kuntacita vintu vii. Mwikale ulumi.”

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Ezekelo 33:25

“Caleka uyanene uti, ‘Yawe Simwandalali wavwanga wati, Mwemo mukalya inyama ino icili nu wazimo. Mukapepa utuluwi twinu, nupya mwemwe yacikoma. Uzye fwandi icingalenga ukuti impanga ii iye iyakwinu, icani?

Malango 32:14

Ing'ombe ni mbuzi zyao zyafumyanga iziya litimbe ilya lwambu. Yene yakweti imfwele, ni mbuzi, nga ni ng'ombe zisuma wakwe cimwi, yakweti ni ngano zisuma cuze zyaku Basyani, nga na waini umusuma cuze.

Aina Levi 23:14

Mutaezya ukulya imbezu zili zyonsi lino zyacica, ni zisi nanti zisalule nanti umukate upange ku mbezu zicice, mpaka ukufika na pa wanda uno mwaleta impolelwa ii kuli Leza. Ilamulo lii lili nu kusungwa na amu mupanda wako yonsi amanda pe.

Aina Levi 7:36

Pa wanda ulya Yawe wapeezile ilamulo ku ina Izlaeli kuti yayapeele ciputulwa cii ca mawila. Vivyo kwene vili viputulwa vyao insita zyonsi ku nkulo zinu zyonsi.

1 Timoti 4:4

Vintu vyonsi vino Leza waumvile ivisuma. Kusi cimwi cino umuntu angakana ndi capokelelwa ni ntaizyo kuli Leza.

Mateo 16:24

Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Ezekelo 44:7

Pasi pano lyene mwati muleka aenyi yano yatasilamulwa imipasi ni mili kumwi, yingile umu Ncende yamuzilo, nu kukowezya Ng'anda ikulu yakwe Leza, apa nsita ino mukutuula uwila wa vilyo na mafuta nu wazi, nu konona upangano wane uku micitile yinu iipisye yonsi.

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Mpendwa 19:21

Isunde lii, lilasyala ilya manda pe kunomuli. Uwala wakupolezya amanzi akufumya amakombela ali nu kufula ivyakuzwala vyakwe. Nu wakumya ku manzi yao, ale wene wasyala mukowele mpaka ukufika lino ilanzi lyawa.

Aina Levi 16:34

Malamulo yaa, yali nu kusungwa ku nkulo zinu zyonsi. Nupya ulutambi lwa kufuta amaifyo lulinzile kucitwa iila lyonga cila mwaka, lwa kuswefya aina Izlaeli ku maifyo yao yonsi. Caleka Mose acita wakwe vino Yawe wapeezile ilamulo.

Kufuma 27:21

Aaloni na ana yakwe aonsi yakakozya ilampi kunzi ya nsalu icinge ino yapaatula Cifulo Camuzilo ni Cifulo Camuzilo ukuluta kuno kukaikala Mbokosi ya Upangano. Lyene ilampi mwi Taalu lya Ukongano likaaka pa manso yane kutandika manguzi mpaka kufika katondo. Aina Izlaeli nga na amu mupanda wao yalinzile yasunge ilamulo lii amanda pe.”

Aina Levi 4:1

Yawe anena Mose ati,

Aina Levi 6:22

Ku nsita yonsi yaku nkolelo uwila uu ulinzile kupelwa na wensi uwamu mupanda wakwe Aloni, wino akutumikila nga Simapepo Mukulu. Alinzile aoce onsi pyu.

Aina Levi 7:34

Pa mawila yacuvwano ya ina Izlaeli, inganga yapa mawila yapaatulwa pamwi nu mwendo wa kwikasa lilunji, ivya mawila apaatulwa vino Yawe watafumya ku ina Izlaeli nu kupeela kuli yasimapepo. Vii avino aina Izlaeli yalinzile ukupeela kuli yasimapepo ku nkulo zyonsi.’”

Aina Levi 10:9

“Wewe pamwi na ana yako aonsi mutalinzile kwingila mwi Taalu lya Ukongano pacisila ca kumwa waini nanti cimwi cikakola. Ndi mulacita cii, mulafwa. Isunde lii, lili nu kusungwa na amu mupanda wako onsi.

Aina Levi 10:15

Yalinzile ukuleta umwendo ni nganga pamwi ni viputulwa vya mafuta vya mawila akoca akuswelula pa manso yakwe Yawe wa wila wakuswelula. Cii cili ciputulwa cako na ana yako wakwe vino Yawe wapeezile ilamulo.”

Aina Levi 16:29

Malamulo yaa, yali nu kusungwa ku nkulo zinu zyonsi. Pa wanda uwalenga ikumi, uwa mwezi uwalenga cinimbali, aina Izlaeli pamwi na inamasi yano yakwikala pakasi kao, yatalinzile ukulya nanti cakulya cimwi. Nupya yatalinzile ukuomba umulimo uli onsi.

Aina Levi 23:21

Pa wanda uwo mulaomba imilimo inu ya cila wanda. Lelo mwakongana ku mapepo. Amu mupanda winu yali nu kusunga ilamulo lii amanda yonsi, usi mulandu na kuno yalaya yakikale.

Aina Levi 24:3

Cila manguzi Aaloni alinzile kukozya ilampi pa manso yakwe Yawe, kunzi ya nsalu yakucingilila ku nkolelo ya Mbokosi ya Upangano ino yaya mu Ncende Yamuzilo ukuluta. Inyali zitalinzile kuzima mpaka kufika katondo. Ilamulo li, lili nu kusungwa ku nkulo zyonsi.

Kufuma 28:43

Aaloni na ana yakwe yazwala vikwene vii lyonsi lino yakwingila mwi Taalu lya Ukongano, nanti lino yapalamila ku kavuwa ku kuntumikila mu Ncende Yamuzilo, koopa kuti limwi angacita maifyo nu kufwa. Ilamulo kwene lii lyapeelwa kuli Aaloni nga nu ku amu mupanda wakwe amanda pe.”

Aina Levi 6:15

Lyene simapepo atapulepo ikufi lyonga lya usu utonyoleke wa mawila yayo pamwi na mafuta nu ubani mwenemo, vino vili pa wila wa cakulya. Avyoce pa kavuwa pakulanga ukuti iciputulwa capeelwa kuli Yawe nupya viye uwila uwa mununko usuma ukazanzya Yawe.

Aina Levi 19:26

“Mutasaapola nanti ukucita vya ulozi.

Aina Levi 24:9

Mukate uu, uwakwe Aaloni na amu mupanda wakwe, nga yalinzile kuulila mu Ncende Yamuzilo pamulandu wakuti umukate uu, cili ciputulwa camuzilo cuze ca mawila akocela Yawe.”

Malango 12:24

Mutaca mwezye ukulya uwazi. Uwazi wene muce mwawitila pansi wa manzi.

2 Milandu 29:35

Ukongezya pa mpendwa ya mawila yakoca, pali na mafuta ya mawila ya utandano, na mawila ya vyakumwa yano yali pamwi na mawila yakoca. Avino ulutambi lonsi lwa mipepele yaku Ng'anda ikulu yakwe Yawe lwatandike nupya.