Aina Levi 26:40 - Amazwi Yakwe Leza 2013

⁴⁰ “Lelo amu mupanda winu yalailongwela maifyo yao na maifyo ya vikolwe vyao vino vyankanyile nu kunsangukila,

Aina Levi 26:40 交叉參考

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Mpendwa 5:7

Wene alinzile wailongwela iifyo lino watacita alino na pakulipa alinzile kuwezya cino watatola. Alino alundepo icipande conga pali visano pali cino watalipa. Alino aswilizye vyonsi vii kuli wiya wino aifizye.

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Masamu 32:5

Ali vino nasuka nakulongwela amaifyo yane, ukwaula ukukufisa nanti lyonga. Navwanga nati, “Kanje kuli Yawe nkailongwele amaifyo yane,” nawe fwandi ali pa kunjela uluse uku viipe vyane vyonsi.

1 Yamwene 8:47

wemo wauvwa amapepo ya antu yako. Ku mpanga kwene iyo kuno yaya, ndi cakuti yazenzuka yatandika nu kupepa, yailongwela na maifyo yao na vyonsi vino yakuluvyanyizye, we Yawe uvwa mapepo yao.

Yoswa 7:19

Lyene Anena Akani ati, “Uwi mwanane, sungala ulande icisinka pa manso yakwe Yawe Leza wa ina Izlaeli nga wemwisikulu uilongwele kunoli. Unene sile vino watucita, utezya umfise nanti kamwi.”

Aina Levi 26:24

Lyene indi nu kwalukila panomuli nu kumuvunuka cuze, maila cinimbali ukuluta pa kuvunuka kwankolelo.

Aina Levi 26:21

“Ndi mwatwalilila kunkana nupya mwakana ukunjela, ndungilizya nupya uvunuko winu maila cinimbali.

Aina Levi 5:5

Lino muntu ali nu mulandu, wene alinzile kuilongwela iifyo lyakwe.

Ezila 10:11

Lelo taizini Yawe, Leza wa vikolwe vinu nupya mwacita na vino watemwa. Muifuntusye ku antu amu mpanga ii, mutaane na aci inu ainamasi.”

Yelemiya 14:20

Ala swemo lyene twailongwela amaifyo itu, twazumila nu ufi wa vikolwe vitu kwene. Umu cumi swemo twakwifya.

Yoswa 22:15

Lino yiiza ku Gileadi kuli Lubeni, na Gadi nu ku mutundu pakasi wakwe Manase, iyayanena yati,

1 Yamwene 8:48

Mu mpanga kwene iyo muno yali, ndi cakuti yazenzuka umu cumi cumi yatandika nu kukupepa ala iyasenukila nu ku mpanga ii, ino wapile antu yako, na manso yalozizye ku musumba uno we mweneco wasolola, nu ku Ng'anda ikulu ino nakukuulila,

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

Ezila 9:15

We Yawe, Leza wa ina Izlaeli, wemo wewe mololoke! Watuzumilizya kuti tuye nu umi. Acino twailongwela amaifyo itu kunuli. Tusi ni nsambu zya kwiza apa manso yako.”

Nyimbo zya ndosya 1:20

“We Yawe, silola ulanda wane! Munda mwane mukuzakaza! Umwenzo wane ukukulukunta pano nene mutalami. Umu miseo muli utazi wa katwe, nu mu mang'anda muli imfwa.

Ezekelo 14:23

Lyene alino mulamanya ukuti apamulandu usuma acino nacitile vii vyonsi. Ivyalanda ne Yawe Simwandalali.”