13 Nene indi Yawe Leza winu wino wamufumizye mu mpanga ya Eguputo, pakuti nupya mutaya azya. Nalenzile kuti muzule ikoli lino mwazwite nu kuleka kuti mwapita mutongomwile insingo.”
Imiti yamu mpanga ilaseeka iviseekwa vyakweo, nu musili ulamezya ivyakulya vyakweo, yalikala umutende mu mpanga yao. Lyene alino yalama ukuti nene indi Yawe, lino ndaputula insinga zya makoli yao, nu kuyakulula mu makasa yakwe yao ayateeka uzya.
Yawe, ala nene muzya wako, nemo nkakuombela vivi kwene vino mayo nawe wacitanga. Wemo watunsapula umunyololo, watunkulula.
Nene indi Yawe Leza winu wino wamufumizye mu mpanga ya Eguputo kuti mpeele impanga ya Kenani kunomuli, kuti iye iyakwinu. Nupya kuti nje Leza winu.
“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.
Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.
Mwina Izlaeli atangatekwa uzya amanda pe, pamulandu wakuti aina Izlaeli azya yakwe Yawe. Wene wayakazile ukufuma mu mpanga ya Eguputo. Wene a Yawe Leza wao.’”
Namaleka yano yakamucuzya ayano lyene yacule. Pano alio kwene ayano yamulambalikanga mu miseo, nu kumulyatola kwati mwemwe vikona.”
Aina Izlaeli yene azya yakwe Yawe uwayafumizye mu mpanga ya Eguputo. Acino yatalinzile kukaziwa mu uzya.
Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu
Imfinzi ilandatila Taapanesi, lilyo lino ndavuna amaka yakwe Eguputo kuku kwene. Lyene ni cilumba cakwe cilamuputuka. Amakumbi yalamuvimba, nga ni mizi yakwe ilasendwa ku uzya.
Nayapalamike kunondi uku luse nu kutemwa. Nayanyemwile nu kuyemekezya kwi tama lyane. Nakontime nu kuyimula.
Yawe aleka Falao umwene waku Eguputo kuti akome umwenzo, cakuti alondelela aina Izlaeli lunkwalunkwa, yano afumanga mu mpanga ilya nu kupama.
Wayavuzizya isyuko nu kuyavuzizya uluzango. Yakasansamuka kunuli ndi vino yakasansamuka apa kuzombola na vino yakazanga apakwankana ivyuma visampwe.
“Yawe Wamaka yonsi Leza wa ina Izlaeli akuti ninkontola ikoli lya mwene waku Babiloni.
Ndawezya na Yeoyakini umwana wakwe Yeoyakimu umwene waku Yuda nga na azya yonsi aku Yuda yano yasenzilwe ku Babiloni. Ndakontola iyoko lya mwene waku Babiloni.” Ivyalanda Yawe.
Ndakai namalenga aina Asilya yataya na maka pano muli, nu kuputola iminyololo ino mwanyepelwako.”
