Aina Levi 24:7 - Amazwi Yakwe Leza 2013

⁷ Wike ubani usuma cuze muli cila mulongo, mucifulo ca mikate pakulanga ukuti iciputulwa capeelwa kuli Yawe, nga kuti uye uwila wakocela Yawe.

Aina Levi 24:7 交叉參考

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Milimo 10:4

Nawe alolekesya mungeli, auvwa intete amunena ati, “Musambazi kuli cii?” Mungeli aasuka ati, “Leza watazangila mu mapepo yako nga nu wila uno ukapeela ku apina.

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

Kufuma 17:14

Lyene Yawe anena Mose ati, “Lemba vintu vii mu lupapulo kuti vikiusiwe, nupya unene Yoswa ukuti ndonona nu kulovya aina Amaleke yonsi pyu.”

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 12:14

Uwanda uu, uwa ciusizyo. Mulinzile kuzevya pa wanda wakucindikilapo Nene ne Yawe. Mwazevya uwanda uu mu mikulo inu yonsi.”

Utandiko 9:16

Lyonsi lino mulalamfuti waloleka mu makumbi ndaulola nu kwiusya upangano wa manda pe uli pakasi kakwe nene ni viumbwa vyaumi vyonsi vyamu nsi.

Kufuma 28:12

Wike amawe kwene yaili yaa pa tumakwelelo twapa viye twa cakuzwala ca efodi, wa ciusizyo ca ana yakwe Izlaeli. Mu musango kwene uu Aaloni alasenda mazina yao paviye vyakwe pakuti ne Yawe, naiusya antu yane amanda pe.

Aina Levi 2:9

Simapepo wiyo atoole ciputulwa cimwi ca mukate pakulanga ukuti cene iciputulwa icapeelwa kuli Yawe. Lyene aoce umukate uwo pa kavuwa. Uwila uu uwa mununko usuma ukazanzya Yawe.

Ezaya 43:23

Mutandetelanga imfwele zya mawila yakoca, nanti ukuncindikila mu mpolelwa zinu. Intamucuzya foo, apa kumulenga kuti mundetele amawila ya vyakulya nu ubani.

Aina Levi 2:1

“‘Lino umwi akupeela uwila wa usu kuli Yawe, uwila uwo ulinzile ukuya usu utonyoleke. Usu uwo atikinkanye na mafuta nu ubani.