Aina Levi 24:6 - Amazwi Yakwe Leza 2013

⁶ Mikate ii, muitantike mu milongo iili. Cila mulongo muye imikate mutanda, pi tebulo lino lyapomelwa na zaabu musuma cuze, lino lili pa manso yakwe Yawe.

Aina Levi 24:6 交叉參考

1 Yamwene 7:48

Solomoni wapanzile iviya vyakuomvya mu Ng'anda ikulu yakwe Yawe: kuli kuti kavuwa kakwe zaabu, ni tebulo lyakwe zaabu lyakwikapo umukate uwapeelwa kuli Leza.

Ayebulai 9:2

Antu iimike itaalu. Muputule wakwe conga yawamanga ukuti Ncende Yamuzilo. Muu umwali cakutekapo ilampi ni cipango apali umukate uno wapilwe kuli Leza.

2 Milandu 13:11

Cila katondo na manguzi, yakapeela amawila yakoca ni vyamununko usuma kuli Yawe. Yakaika nu mukate api tebulo iliswefiwe ilyamuzilo. Nupya cila manguzi yakakozya inyali zino yatekwa pa vyakuteekapo inyali. Swemo tukalondela vino Yawe watukonkomizye, nomba mwemo mwamutalamila.

2 Milandu 4:19

Umwene Solomoni wapanzile iviya ivyakuomvya mu Ng'anda ikulu yakwe Yawe vyakwe zaabu ivili wakwe vii: kavuwa kakwe zaabu, amatebulo yano yatantamikilanga penepo umukate uwapeelwa kuli Leza.

1 Kolinto 14:40

Vintu vyonsi vilinzile kucitwa umu nzila isuma nupya itantikwe.

Kufuma 39:36

Nupya kwene yaleta tebulo pamwi ni viombelo vyaliko, nga yika penepo umukate uwapeelwa kuli Leza,

Neemiya 10:33

Tukaapeela impiya zyakulondela ivintu vii: umukate wamuzilo, amawila ya mbezu, amawila yakoca, amawila yakupeela pa Sabata, amawila yaku ndoleko ya mwezi, na apa manda asontwe a vimulo vya kuzevya, ni vintu vyamuzilo, amawila yakwelela amaifyo ya ina Izlaeli, alino nu kupeela icili consi icingalondwa ku mulimo waku Ng'anda ikulu yakwe Leza.

Ezekelo 41:22

Apa wingililo wa Muputule Wamuzilo Ukuluta, pali penepo icintu cimwi icalolekanga wa luvuwa lwa mbao. Nalo lwatalimfile mita wenga na citika, nu mu kusalala namo mita wenga. Yaupangile ni mbao zitupu ukutandika sile uku matungi, apapela nu mu mbali kwene. Nga alino umuntu wilya atandika ukunena ati, “Lii ali tebulo ilyaya apa cinso cakwe Yawe.”

Kufuma 25:30

Pi tebulo uwaikapo umukate uwapeelwa kuli Leza.

Neemiya 10:34

Swe yasimapepo, aina Levi alino na antu sile, tulapendola kuti tusolole inko izyakutiiya inkwi nu kuleta uku Ng'anda ikulu yakwe Leza witu pa nsita isontwe cila mwaka, kuti yaocela impolelwa pa kavuwa kakwe Yawe Leza witu ndi vino calembwa mu mpapulo zya Masunde.