Aina Levi 24:4 - Amazwi Yakwe Leza 2013

⁴ Aaloni alinzile asunga inyali zii pa cakutekapo inyali cakwe zaabu musuma cuze. Nupya alinzile ukulola ukuti inyali zizyo zikwaka lyonsi pa manso yakwe Yawe.

Aina Levi 24:4 交叉參考

Kufuma 31:8

tebulo ni viombelo vyaliko, cakutekapo ilampi cakwe zaabu musuma cuze pamwi ni viombelo vyakweco, kavuwa ka kufutikila ubani,

Kufuma 39:37

cakutekapo ilampi cakwe zaabu musuma cuze, inyali ni viombelo vyakwezyo,

Umbwilo 11:4

Yakambone yaa yaili yene ili miti iili ya miolivi nga ni vyakutekapo inyali viili ivyaya ku nkolelo ya Mwene uwateeka insi yonsi.

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Ayebulai 9:2

Antu iimike itaalu. Muputule wakwe conga yawamanga ukuti Ncende Yamuzilo. Muu umwali cakutekapo ilampi ni cipango apali umukate uno wapilwe kuli Leza.

Yelemiya 52:19

Musika wa vita wilya atoola amabeseni, ivyakupembelapo umoto, imbale zyakusansila amanzi ni vyakutekapo inyali, ivifutikilo ni ngeso navyuze vyonsi ivyapangwa na zaabu na siluva.

1 Milandu 28:15

nu kunyoma kwakwe zaabu wakupangila ivyakutekapo inyali vyakwe zaabu ni nyali zyaviko, nu kunyoma kwa cakutekapo inyali cakwe zaabu icili consi kumwi ni nyali zyakweco. Apima nu kunyoma kwakwe siluva wakupangila cakutekapo inyali cakwe siluva icili consi kumwi ni nyali zyakweco, ukulingana nu mulimo wa cakutekapo inyali icili consi,

1 Yamwene 7:49

Ivyakutekapo inyali vyakwe zaabu musuma cuze, visano ala vili kwilunji navyuze visano ala vili kwimani, mukasikasi ka Ncende Yamuzilo kuluta. Apanga na maluwa, ni nyali ni vyakumanikila kweneko.

Mpendwa 4:9

Yalinzile yatoola insalu ya cifungo nu kufupilizya icakuteekapo ilampi, pali pamwi ni vyakulukusizyako itwi, utambi, musazi wa mafuta kumwi ni viombelo vyonsi vikumile ku ncito yamusango ndi uwo.

Mpendwa 3:31

Umulimo wao wali uwa kuwaka Mbokosi ya Upangano, itebulo, ivyakutekapo inyali, utuvuwa, iviya vyamuzilo vino yasimapepo yakaomvya mu Ncende Yamuzilo, nga ni nsalu yakucingilikizya pa mulyango wa Ncende Yamuzilo kuluta. Yakwene yali nu kuwaka kutumikila konsi kukumile vintu vii.

Aina Levi 24:3

Cila manguzi Aaloni alinzile kukozya ilampi pa manso yakwe Yawe, kunzi ya nsalu yakucingilila ku nkolelo ya Mbokosi ya Upangano ino yaya mu Ncende Yamuzilo ukuluta. Inyali zitalinzile kuzima mpaka kufika katondo. Ilamulo li, lili nu kusungwa ku nkulo zyonsi.

Mpendwa 8:2

“Nena Aaloni ukuti lino umakozya inyali cinimbali, zili nu kwaka pankolelo ya cakutekapo inyali.”

2 Milandu 29:7

Vyene vyayazile ni visasa vya Ng'anda ikulu yakwe Yawe nu kuzimya inyali. Nupya vitoosile ubani nanti ukupeela amawila yakoca ali yonsi mu Ng'anda ikulu yakwe Leza wa ina Izlaeli.