Aina Levi 23:3 - Amazwi Yakwe Leza 2013

³ Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Aina Levi 23:3 交叉參考

Aina Levi 19:3

Cila muntu alinzile kucindika isi, nupya alinzile kuyela isunde li Sabata wakwe vino napeela ilamulo kunomuli. Nene Yawe Leza winu.

Kufuma 23:12

“Waomba imilimo yako mu manda mutanda, lelo pa wanda uwalenga cinimbali utaomba imilimo, kuti yamasaye yako yapuze pamwi na ya punda kwene. Nupya kuti azya yako nga na inamasi yapuze.

Luka 13:14

Intunguluzi yamu ng'anda ya mapepo ikalipa pano Yesu wapozya umuntu pa Sabata. Caleka ivwanga ku antu iti, “Kwaya manda mutanda yano tungaombamo. Caleka mwaiza mu manda yaa mukupoziwa, lelo mutaiza pa Sabata!”

Kufuma 34:21

“Mwaomba imilimo mu manda mutanda, lelo pa wanda uwalenga cinimbali, mutaomba mulimo uli onsi, nanti pa nsita ya kulima nanti pa nsita ya kuzombola.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.

Milimo 15:21

Pano kufuma ku mpiti Masunde yakwe Mose yawelengwa pa manda aingi mu mang'anda ya mapepo cila Sabata, nga na mazwi yakwe yakakosolwa mu misumba yonsi.”

Luka 23:56

Alino yaswilila kumwao, yateyanya vya mununko usuma nga na mafuta acinunu cisuma. Lelo pa Sabata yapuza, kulingana ni sunde.

Ezaya 58:13

Ndi cakuti umacindika wanda wi Sabata, wakana nu kucitamo vya uculuzi, watandika nu kuwaka wanda wi Sabata wa wanda umwi uwa nsansa, wacindika uwanda wamuzilo, wakwe Yawe, waucindika umu kukanaya ukutali, mwakana ukuomba penepo imilimo, nanti ukulanda ilyasi lya uwelewele,

Ezaya 56:6

Mwemo mwe inamasi mwaya icili conga na antu yane, mwemo mwe muno mwantemwa mwe muno mukambombela, mwemuno mwika amano ku kucindika Sabata, ukwaula ukucitamo ivyaindwa, mwemuno mukawaka nu upangano wane.

Ezaya 56:2

Nemo namapolelelanga antu yano yakacindika pee uwanda wi Sabata, ukwaula ukucita vyaindwa pa wanda uo. Namapolelelanga antu yano yasicita iviipe nanti vimwi.”

Kufuma 16:29

Mwiusye ukuti Nene, ne Yawe, namupeela uwanda wi Sabata. Cili cino pa wanda uwalenga mutanda nkamupeela ivyakulya vivule vya manda yaili. Muntu wensi alinzile aikala kunoli pa wanda uwalenga cinimbali. Atafuma pa ng'anda yakwe.”

Kufuma 16:23

Alino Mose azinena ati, “Yawe watapeela ilamulo ukuti mutondo uwanda wa kupuza, uwanda wi Sabata uwapaatulwa kuli Yawe. Mupange umukate onsi uno mukulonda, nupya mweleke consi cino mukulonda kweleka. Ivyasyala muvisunge pa mbali mpaka mutondo.”

Kufuma 16:30

Caleka antu yataombanga imilimo pa wanda uwalenga cinimbali.