5 Nanti ndi walema inyama yamifitalila nanti umuntu uwamifitalila.
Muntu wensi wakumya umonsi wino akufumya ufila ku vya nzwalo vyakwe alinzile ukufula insalu nu kufulala umwili onsi, nupya aye uwamifitalila kufika ku manguzi.
Mwanaci wensi ndi waya ku mwezi ala waya uwamifitalila pa manda cinimbali. Muntu wensi uwakumya umwanaci aali ku mwezi aye uwamifitalila kufika lino ilanzi lyawa.
Lelo vizizi vyonsi ivyakwata maapa nomba vikasela sile pansi, ivyamifitalila kunomuli.
Simapepo ali wensi wino waya uwamifitalila alinzile ukuya uwamifitalila kufika ku manguzi. Lelo nalyo kwene atangalya impolelwa zyamuzilo suka wafulala umwili onsi.
Cintu icili consi cino umuntu mukowele wakumya ale naco kwene casyala icikowele. Nu muntu kwene uwacikumya nawe kwene amasyala mukowele mpaka ukufika lino ilanzi lyawa.
