Aina Levi 22:18 - Amazwi Yakwe Leza 2013

¹⁸ “Nena Aloni, ana yakwe nga na ina Izlaeli onsi, uti, ‘Lino mwina Izlaeli ali wensi nanti mwinamasi ali wensi wino akwikala mu mpanga ya Izlaeli akupeela uwila wakoca kuli Yawe, uwa kufikilizya mulapo nanti uwa kuitemelwa,

Aina Levi 22:18 交叉參考

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Aina Levi 1:2

“Nena aina Izlaeli uti, ‘Lino umuntu ali wensi akuleta amawila kuli Yawe, wene alinzile ukuleta ing'ombe nanti imfwele nanti imbuzi.

Milimo 18:18

Paulo watenzi na ina Klistu amanda aingi mu Kolinto, lyene ayapakasya, apatama mu wato pamwi na Pulisila na Akwila, nga yaya ku Silya. Lino yatali yapatame mu wato pa Kenkelea Paulo apela lukuzu kulingana nu mulapo uno walafile kuli Leza.

Naumi 1:15

Lolini, uku mwamba kuku, kukwiza umuntu umwi wino asenzile ilandwe lisuma, ilya mutende pa kucimviwa kwa ina Asilya! Mwe antu amu Yuda, si mule muzevye ivimulo vinu, nu kufikilizya imilapo inu kuli Yawe. Antu ya ukakasi yatalatala yazanze impanga inu nupya. Yene yatiyononwa pyu.

Yona 2:9

Lelo nemo namapela impolelwa kunuli apa kukutaizya umu nyimbo. Ndafikilizya vino nalaya nu mulapo. Ufyusi ukafuma kunuli we Yawe.”

Yona 1:16

Apa kulola vii alendo yalya yoopa Yawe, nga yapela impolelwa kuli Yawe nu kulapa imilapo kunoli iyakumutumikila.

Kasambilizya 5:4

Acino ndi mwalaya kuli Leza, mulinzile kufikilizya zuwa. Pano Leza atatemwa antu viwelewele. Fikilizini vyonsi vino mwalaya ukucita.

Masamu 116:18

Namafikilizya ulayo uno nalavile we Yawe, apa manso yi uvi lyako ilyati likolongana,

Masamu 116:14

Umwi uvi lya antu yakwe, muno yatiyakongona, ali muno namafikilizya ulayo kuli Yawe uno namulavile.

Masamu 66:13

Nkukuletela uku ng'anda ukwako impolelwa zyakoca, nkukutuula vino nakulavile.

Masamu 65:1

We Leza ica insambu ukuti antu yakulumbanyizizya umu Zioni, nu kukupelela mwenemo vyonsi vino yakulaya.

Masamu 61:8

Ali cino fwandi, nemo namakwimbililanga inyimbo zyakukuwanzya pee na pee. Alino namafikilizyanga ni vilayo vyane amanda yonsi ndi muno nakulaile.

Masamu 61:5

We Leza, ala ivilayo vyane watuvyuvwa, nupya watumpela ni vyaupyanyi vyakwe yalya kwene akakucindika.

Masamu 56:12

We Leza nemo namakupeela vyonsi vino nakulavile. Namakutula uwila wane uwakukutaizya,

Masamu 22:25

Mwene Leza awewe namalumbanyanga umu ukongano ukalamba pamulandu ni vintu vino wacita. Apa manso ya antu akamfukilila ali pano nemo namakupelanga impolelwa ino nakulavile.

Malango 16:10

alino lyene imuzevya Cimulo ca Uzombozi, ukucindika Yawe Leza winu, pa kumuletela uwila wa kuitemelwa ukulingana na vino wene wamupolelela.

Malango 12:17

Monsi muno mulaikala mutaca mwatola nu kulya icikumi ca pa mbezu zinu, nanti waini, nanti amafuta ya miolivi, nanti iyeli lya ng'ombe nanti imfwele zinu, nanti uwila uli onsi uno mwalaya ukupeela kuli Yawe, nanti uwakuitemelwa kwene.

Aina Levi 23:38

Vimulo vii, ivyakulunda pa Masabata ya Mwene yano mukakwata lililili, nga na mawila kwene yaa, nayo kwene akulunda pa mawila yano mukapeela lililili, na pa mawila inu akufikilizya milapo, alino na pa mawila inu akuitemelwa yano mukapeela kuli Yawe.

Aina Levi 17:13

Nena aina Izlaeli uti, “Mwina Izlaeli ali wensi nanti umwinamasi wino akwikala pakasi kao, ndi waya ku kulunga wakoma inyama nanti icunyi cino antu yakalya, alinzile kuzwisya uwazi wa nyama iyo nanti wa cunyi cico pa nsi nu kuuzika na masenga.

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 7:16

Lelo ndu muntu waleta uwila pa kufikilizya umulapo, nanti uwila wakuitemelwa, lyene yatangalya inyama iyo yonsi pa wanda uno yapeelwa. Lelo yangalya iyasyala pa wanda uno walondelela.

Aina Levi 1:10

Muntu ndi cakuti akupeela uwila wakoca uwa mfwele nanti imbuzi, uwila uwo ulinzile ukuya a suuku nanti sawe uwaula ulema.

Kufuma 12:5

Mulinzile kulonda kana ka mfwele nanti kana ka mbuzi ka mwaka onga akaula ulema.

Aina Levi 22:17

Yawe anena Mose ati,

Amosi 4:5

Mupele umukate winu pakuti mutaizye Leza. Muitakizye apa mawila inu akuitemelwa, nu kuyuvwa pa mawila kwene yayo, pasi pano avino mwe ina Izlaeli mwatemwa ukucita. Avino Yawe wavwanga.

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.