4 “Mutansya nu kuseleukila ku kupepa tuluwi. Mutaipangila tuleza twavyela nu kutupepa. Nene Yawe Leza winu.
Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.
“Mutaipangila tuluwi twakwengulula nu kutupepa.
Mutaipangila tuleza twakwe siluva nanti zaabu kuti mwatupepa pamwi nani.
Mwe ana yane, mwaisunga ningo mutapepa tuluwi.
“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’
Acino mwe yacuza akundwe, leukini ku kupepa tuluwi.
Pano tuleza utwa inamasi, utwaunkolanya sile. Lelo Yawe uwapanzile amayulu.
Lyene Aaloni apokelela amaelena yakwe zaabu ukufuma kunoyali, alino ayasungulula, apanga unkolanya wa mwana wa ng'ombe mu cikombole. Lyene antu iyatandika kupunda yati, “Mwe ina Izlaeli, Leza witu auwi wino watufumizye mu Eguputo.”
Ilelo uwanda uwalenga makumi yaili na yani, umwezi wakwe fundimbali auno umufula wa Ng'anda ikulu yakwe Yawe wikwa. Acino mwelenganyepo lyene pali ci,
“Lino mukupeela uwila wa utandano kuli Yawe Leza winu, mwasunga malamulo yano napeela kunomuli. Lyene alino nkaapokelela uwila uwo.
Pasi pano tuleza tonsi utwamu nko utuluwi, lelo Yawe uwaumvile amayulu.
Nene Yawe Leza winu, nupya mulinzile kuisunga amuzilo, pano nene wamuzilo.
Lelo mu mwaka wakwe cisano mungalya iviseekwa vya ku miti iyo. Ndi cakuti mulacita vyonsi vii, imiti inu ilaseeka iviseekwa vivule cuze. Nene indi Yawe Leza winu.
Pakuti cimuzipile mwemwe, musininkizye ukuti mutakezye ukwifya pa kuipangila akaluwi mu musango uli onsi, akakukolanya ku monsi nanti ku mwanaci,
Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.
Lelo wemo wacita iviipe kuluta yayo yonsi akukolelile ukuteeka. Wemo wamfutatila pakuipangila tuleza tuze, nu unkolanya wa vyela kuti wayapepa.
Wene wacitanga ivintu iviipe kwati sile ivyacitanga yamwene aku Izlaeli nu kupanga utuluwi twakwengulula utwakuomvya pa kupepa tuleza Tubaali.
