Aina Levi 19:10 - Amazwi Yakwe Leza 2013

¹⁰ Mutaswilila mu vyalo vinu vya matingi ukuya kolonganika matingi yano yatiyapona pansi. Vyonsi vivyo musile alanda na inamasi. Nene indi Yawe Leza winu.

Aina Levi 19:10 交叉參考

Ezaya 24:13

Eee, icacumi, avino cilaponela imitundu ya antu ya pano nsi yonsi. Cilaya ndi vino cikaya apa kuzombola. Lino yakapukunya nu kukunta iviseekwa vya miolivi vyonsi. Nanti vino yakakuntola utuseekwa twaku matingi utwakusyalikizya.

Ezaya 17:6

Mulasyala sile antu ampendwa yano alapusuka. Impanga ya Izlaeli ilasyala sile wa muti umuolivi, uno yatiyapukunya kweneko iviseekwa vyonsi, nu kusya sile iviseekwa viili nanti vitatu apa ntonje apapela. Nanti iviseekwa vini nanti visano ivisile ku misambo.” Kuu kuli kulanda kwakwe Yawe, Leza wa ina Izlaeli.

Aina Levi 25:6

Nanti angala vyalo vinu vitalimilwe mu mwaka uwo, vili nu kupeela ivyakulya kunomuli, ku azya inu, ku yaomvi inu, ku inamasi yano yakwikala munomuli,

Mika 7:1

Ala ncule mwe! Nemo indi wa muntu ali ni nzala wino afumile akusokota amatingi umu calo lelo ukwaula kuzana nanti cimwi cakulya. Nupya kutasile nanti amasamvu yano watemilwe.

Obadiya 1:5

“Aivi ndi yiza usiku, yakaisendela vino yakulonda. Yayo akakulula amatingi ndi yiza ku kukulula amatingi, yakasyako amatingi yamwi. Lelo mwemo anisi inu yalamulovya.

Yelemiya 49:9

Uzye nga cakuti yakakulula ya matingi iizile kuno muli, yatange yamusile utwa kusotolezya? Nga cakuti aivi yamwizile usiku, uzye yatange yamwiile pano yatemilwe?

Yakapingula 8:2

Lelo Gidyoni ayuzya ati, “Uzye cino nacisile icani icitange cilingane navino mwemo mwacisile? Nanti vinono sile vino mwe ina Efulemu mwacisile vyene ivya mpomvu ukuluta vino uluko lwane lonsi lwacita.

Aina Levi 19:9

“Lino mukuzombola ivyakulya vinu mu vyalo, mutazombola ingano kufika nu mumbali umwapelela icalo. Nupya mutaswilila ku kuzombola ingano zino mwasile mumbali.

Aina Levi 19:11

“Mutaiya nanti kusomba nanti kutumpoka.

Aina Levi 23:22

“‘Lino mukuzombola mu vyalo vinu, mutazombola ivyakulya vinu mpaka kufika nu mumbali ya vyalo vinu. Nupya mutaswilila ku kuzombola ivyakulya vino mwasya mu mbali ya vyalo vinu. Ivyakulya vino mwasya mu mbali ya vyalo vinu mwasila apina na inamasi. Yawe a Leza winu.’”

Malango 24:19

“Lino mwakolonganika ivyakulya nu kuposiwa kukoozya ingano zimwi zino mwatimusinza, mutakezye kuswilila ukuya zitola. Zilinzile zisyalile ainamasi, ana asyale, na yamukamfwilwa, pakuti Yawe Leza winu akamupolelele muli vyonsi vino mulacita.

Malango 24:20

Lino mukukulula iviseekwa ku miolivi, mutakezye kuswilila ku kukulula vivyo ivyativisyala. Vyene ivya inamasi, na ana asyale, nga na yamukamfwilwa.

Luti 2:2

Alino Luti umwina Moabu anena Naomi ati, “Lekini nje umu vyalo inkasokote tumitwe twa ngano muno yatiyasinza, muli wiyo wensi amaya akanzumilizye.” Naomi nawe aasuka ati, “Ale pitanga, mwanane.”

Aina Levi 11:44

Nene Yawe Leza winu, nupya mulinzile kuisunga amuzilo, pano nene wamuzilo.

Aina Levi 19:25

Lelo mu mwaka wakwe cisano mungalya iviseekwa vya ku miti iyo. Ndi cakuti mulacita vyonsi vii, imiti inu ilaseeka iviseekwa vivule cuze. Nene indi Yawe Leza winu.

Malango 24:21

Lino mwakolonganika amatingi inu iila lyonga, mutakezye kuswilila mwenemo iila lyakwe ciili ku kukolonganika nupya. Amatingi asyala mulinzile kusila ainamasi, ana asyale, na yamukamfwilwa.