4 Mwayela amasunde yane nu kucita kulingana na malamulo yano namupeela. Nene indi Yawe, Leza winu.
“Nena aina Izlaeli uti, ‘Nene indi Yawe, Leza winu.
Mwemwe yacuza yane ndi mukucita vintu vino namunena.
Mupasi wane auno ndiika munomuli, nupya ndasumbako amano wakwe cimwi apakuti muce mwawaka amasunde yane ni vipope vyane vino nemo namupeela.
Nene indi Yawe Leza winu. Mwalondela amasunde yane, nu kuwaka ivipope vyane.
We Yawe wakonkomizye ivyeo vyako ukuti vyasungwa ningo.
“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.
“Yawe avwanga ati, ‘Mwasunga amasunde na malamulo yane yonsi nu kuyalondela, pakuti impanga ino nkumutwala kweneko ku kwikala itakamuluke.
Mwayela amasunde na malamulo yane yonsi. Nene indi Yawe.”
Akaya na inamasi yene yakacita ivintu vyonsi vii, ivyamuselu nu kulenga impanga ukuya iyamifitalila. Lelo mwemo mutalinzile ukucita ivintu vii.
Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.
Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.
apakuti antu yakwe yasunga amasunde yakwe, yalondela na malamulo yakwe.
Mwalondela micitile na masunde yano napeela kunomuli, pano mulapususya umi winu ndi mwacita vivyo. Nene indi Yawe.’”
“Mwayela amasunde yane. Utalenga ukuti inyama zya mwata upusanepusane zyalondelelana. Utakomela misango ya mbezu iili mu calo conga. Utazwala insalu iyapangwa ni nsalu ziili zipusane.
